-
مــــــــــادريت
بسم الله الرحمن الرحيم
مادرت
مـا درت عـن حبهـا ياليتهـا تــدري ""ليتهـا ياليتـهـا لــو قــدرت مــره
ان قلبي من كثر شوقـي مـلا صـدري ""وان صدري من كبر قلبـي نفـذ صبـره
من ( صباح الخير ) لين الشمس ما تسري ""ومن ( مساء الخير ) لين نصير في بكـره
والغلا في داخلـي مثـل النهـر يجـري ""ليتهـا تـدري بغلاهـا داخلـي شكـثـره
هي تحسب اني طلبت الشهـره بشعـري ""والله ان حبـي لهـا نسـانـي الشـهـره
من يقول ان الشعر بيزيـد مـن قـدري ""بس انا شعـري لهـا بيزيـد مـن قـدره
ليتغزلـت بحلاهـا يصطفـق بـحـري ""والقصيد يروق لي في عجـزه و صـدره
وان بديت الوصف دوم اختار في امـري ""م الجبين او م العيون او أ وصـف الغـره
والخدود اللـي مـن الله لونهـا زهـري ""وفمها مـن زود زينـه زاد فـي صغـره
مشيهـا لـو هـو فتنـي والله بـعـذري ""قدهـا الميـاس يشبـه ميـلـة الـزهـره
كل شي فيهـا مـن الله خلقتـه مغـري ""وقلبهـا خيـره يغطـي دايـمـاُ شــره
العطرهـو يشتريهـا لـو نـوت تشـري ""وردة ٍ والـورد دايـم يعـرف بعـطـره
هي هواي وهي بعد لي قلبـي وعمـري ""وابتسامـة خاطـري لـو خانـت العبـره
ليتها تدري عن اللي يدور فـي صـدري ""وليتهـا تـدري بغلاهـا داخلـي شكثـره
فيصل اليامي
-
رائعه يالولهانه .. مختاره تستحق الثناء
شكرا ً للتواجد
-
... V I P...
- معدل تقييم المستوى
- 10
الولهانه
نبض عذب ومتناغم بـ عذوبتك
تسلمين يالغلا
على جمال إختيارك
كل الود
-
[poem= font="Simplified Arabic,4,white,bold,normal" bkcolor="transparent" bkimage="backgrounds/21.gif" border="none,4,gray" type=2 line=0 align=center use=ex num="0,black"]
هي هواي وهي بعد لي قلبـي وعمـري =وابتسامـة خاطـري لـو خانـت العبـره
ليتها تدري عن اللي يدور فـي صـدري=وليتهـا تـدري بغلاهـا داخلـي شكثـره [/poem]
[align=center]^
^
رائعة..صح لسانه الشاعر العذب..فيصل اليامي..
الولـــــــــهانة...
ذائقة شعرية..راقيه..صح قلبك
تسلم لنا الانامل...ويسلم لنا هالحضور..لك:25ar:
وداعاً للحب[/align]
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
مواقع النشر (المفضلة)