يابحـر ماجيتـك استرضيـك واجاملـك
[align=center]
يابحر كم ترمي همومك علـى ساحلـك
لاضاق صدرك يفيض الموج من كل جال
وانا لك الله همومـي لـو تبـي تاصلـك
تدري وش يصر بك تصبح تشد الرحـال
قالوا لي ان ضاق صدري اجيك واقابلـك
من شان يرتاح بالي وجيت والحال حـال
جيتك وكل الأسى ملقـى علـى كاهلـك
تزفر زفير وتصافق كن صابـك هبـال
يابحر زودت همـي هـم وهـم بسألـك
وشهو له الهمّ وكنـوزك تفـوق الجبـال
ياكـم وياكـم تمنيتـه يــدور الفـلـك
ويزين حظي وضاع العمر رهن احتمـال
يابحـر ماجيتـك استرضيـك واجاملـك
لو شفت حالي فقيـر ولا بجيبـي ريـال
مابي كنوزك عسهـا تحرقـك باكملـك
ما يوم عرضت أنا وجهي لـذل السـؤال
وان كان بيّت لي غدرك فانـا مااجهلـك
أعوذ بالله من غـدرك وقهـر الرجـال
ما قصدي الا أخوضك واسبرك واشغلـك
وابحر في آفاق ماتقـدر تصلهـا محـال
إبحار موجك يقف لا اشرف على ساحلك
لك حد فاصل وانا ما حد فكـري مجـال
وسـلامتكـم
@ الصـــــــــــــــــــــــــارم @[/align]
رد مع اقتباس
مواقع النشر (المفضلة)