{..ياحزن وش نووحك..!!..}
السلام عليكم ورحمة الله وبركاته ..
مساءكم ..وصباحكم شعر وآصالة ..}
مما اعجبني../..
قصيدة/ ياحزن وش نووحك..
لشاعرتها العذبه/العليا..
اترككم مع القصيدة ..
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قلبي مدينة حزن وضلوعي السور=ودمي دموع(ن) مجمره في حناياي
ووقت(ن) زرع صدري توابيت وقبور=ليته دفنيّ ماخذا أحلام دنياي
الهم والحرمان والياس والجور=متعسكره فيني من اقصاي لـ / اقصاي
وذاك المكان اللي من الناس مهجور= ياما هربت إليه ودموعي غطاي
تعبت أدور في سما العمر ديجور=أشوف به دربي واميز به إخطاي
وتعبت أكون الصادقه شعر وشعور=مع نفسي وناسي وحتى مع اشياي
مابي كسر فيني من أحبابي ( كسور )=ماابي وجع بس الوجع شل يمناي
في واقعي غيّاب وفـ / قلبي حضور= ولالي وطن في أرضهم غير منفاي
مااقول أنا اغليهم بس القلب مجبور= يزرعهم بدمي ويمشون بـ / اعضاي
ماأعرف ألف إن ضاق صدري أو ادور=أحتاج لي قلبٍ به أفيّض بكاي
ولو اعرف أعاتب خطا الغير وأثور=ماكنت أدور لاتضايقت مسراي
بعض الشعور يموت مايبصر النور=لامن طلبته يحتضر في شفاياي
وجروحي اللي كنها صف طابور= مليت أغنيها على صرخة الناي
وجفن(ن) من مزون المشاريه ممطور=إينع سهر بعيوني وشب ظلماي
ياحزن وش نوحك مع الدم مسعور=تنهش بنيبانك خفا الروح جواي
ماتدري إني مات بي منك عصفور=أكبر طموحه كان قطرات من ماي
فيني ظما وانا على ( سبعة بحور )=عيت تبل الريق وتغيث صحراي
والدفتر اللي ماتت بحبره سطور=عجزت أفضفض به عن أوجاع (علياي)
يارب لاضاقت علي عطني شعور=لو هو ( وهم ) أرسم به الحلم وياي[/poem]
[align=center]اتمنى أن ترتقي لذائقتكم الشعرية الراقيه ..لكم {:25ar:}
وداعاً للحُب..}[/align]
رد مع اقتباس
المشاركة الأصلية كتبت بواسطة صمت الوداع
مواقع النشر (المفضلة)