الحركتآت نوير آنخطبت ..
][ ابــشـــركـــم انـخـطـبـت ...
كنت قاعدة اتفرج عالتلفزيون .... متابعة مسلسل ..
وجا مشهد زواج وحدة من الشخص اللي تحبه من زمااااان ...:23ar:
قلبت القناة على قناة ثانيه ...
لقيت عرض أزياء فساتين عرايس...
:w23: :w45: :w37:
قلبت القناة .. لقيت خطوات وضع مكياج العروس ...
انا ما احب ذي الشغلات بس ما ادري ليه حاطه عليه...
سكرت التلفزيون وجريت الونة آآآآآآآآآآآآآآآآآآآآآآآآآه " تنهيدة كبيرة " تشقق الصدر
التفت علىّ ابوي اللي نسيت تماما انه كان جنبي <<<لو يدري وش افكر فيه ذبحني
قال لي ابوي :
خير إن شاء الله يابنتي ؟! وش فيك ؟! عسى ماشر ؟! <<<ياحليله ابوي....
انا تلخبطت ساعتها وفتحت له التلفزيون وقعدت ساكتة ...
ايه اكيد بسكت وش اقول ؟ اقول له ودي أعرس ؟؟؟ ( يعني اتزوج بالعربي ) ...
اقول له ان صاحباتي اغلبهم تزوجوا ؟؟؟
وإلا أقول له إني تمنيت أكون مكان بنت اختي في كوشتها وفي الزفة الول امس ؟
يقطع الدراسة وسنينها ياشيخ ...
اوف والله غثا .. يا بخت جداتنا ماتطق الوحدة العشر سنين إلا هي مخطوبة ..
وعلى الثنعش اعرست ..
وان وصلت البنت ثمنطعش ما اعرست قالوا عانس !!! <<<تفكير العجايز
هذوليك البنات اللي عايشين صح مُبْ حنا اللي نعجز ونوصل سن اليأس ما اعرسنا ... gif22
أخخخ .. يُبه الله يفتح عليك وتخليني اعرس ... وتفكني من الدراسة ...
وساعة انا غارقة في قاع هذي الهواجيس ويرن التلفون ويقطع حبل افكاري ...
طالع الرقم ابوي وقال رقم غريب ... رد بلهجة رسميه :
- وعليكم السلام ......
الله يسلمك .....
الحمد لله بخير ......
ايه أنا أبوفلانة ( منيب قايلة لاحد عشان محد يعرفني ويضحك علي ) .....
لا منت غلطان انا هو ...
ماعليك زود الله يسلمك ...
من معاي ياخوي ماعرفتك ...
والنعم .... تفضل وش السالفة اللي تبيني فيها ؟....
لا ماني مشغول ....
لهالدرجة الموضوع مهم ؟!...
تفضل تكلم شغلتني ....
والتفت ابوي علي وعطاني نظرة غريبة ..
انا ساعتها قرصني قلبي مو من ردود ابوي بس من نظراته الغريبة ..
رد ابوي على المتصل : وش فيها زود طيب ؟...
لا بس مافيها أي ميزات عن الباقي ...
اقول في نفسي .. ودي يبه اخذ السماعة منك واكلم الرجال ناشر غسيلي حتى عند الرجاجيل ..
رد ابوي على المتصل : طيب وبعدين ... أيوه ....
طيب وش اسمك الكامل ؟
وش تشتغل بالضبط ؟
طيب من دلك علي وعطاك رقمنا ؟
لا الموضوع يا ابني مو بهالبساطة ....
العملية مش بيع وشرى وبس ...
الواحد لازم يسأل كثير ويحرص قبل يقدم على أي خطوة ...
لا موضوع انك تجي لبيتنا خليها بعدين ...
لين أسأل عن كل صغيرة وكبيرة ...
لا لما اكتفي من السؤال وأخذ المعلومات اللي تكفي .. باتصل عليك تجي ونتفاهم ويكون خير إن شاء الله ..
انا كنت اتابع حركات ابوي وانا متشققة من الفرحة ...
أخيرا انخطبت وبتزوج مثلي مثل غيري ...
يوووووه أخيرا بلبس فستان أبيض منفووووووش
أخيرا بطلع أجهز واتقضى للزواج ...
بسوي زواج كبير مررررررة
وبحط زفة ريميكس وطرحتي مابيها خليجية بخليها مبتكرة
من تصميمي طبعا"...
منيرة منيب عازمتها هي وخواتها .. ماعزموني الأسبوع اللي فات على الدي جي اللي سووه ...
وحصة صديقة امي منيب عازمتها بعد مطوعة مالي خلقها تحوسني لو حطيت اورج ...
وبشتري أغراض واشيل واحط واخطط ... بيصدع راسي بس ولو لذيذ هالصداع ...
يوم قفل الخط ابوي التفت علي وهو مبتسم ابتسامة تعجب وهو ساكت ... قلت :
- هاه يبه ؟ متى بيجي يشوفني ؟<<<<<قوية عين والله...وجهي مغسول بمرق..
- منهو
- هذا اللي خطبني تو<<<صريحه..
- وشو؟!
- خطيبي اللي تو
- تموووووونين انتي ووجهك صار خطيبك على طول ماعندك وقت ..
- ايه يبه ترا احذرك هالمرة شف تكرش العريس .. مثل ماكرشت ولد أم مساعد العام الماضي ..
للحين تراها حازة في نفسي ..
ترا هالمرة بضرب عن الدراسة ...
والا الاكل مقدر اضرب عنه ...
وجع يبه بعنس من تحت راس فعايلك بخطاطيبي ...
والرسول حث على تزويج من ترضون دينه وخلقه ...
وهذا الخاطب قايل قلبي انه أجودي .. ترا ما اعرفه بس اتوقع انه كذا...
وترا العرس أهم من الدراسة عشان الجنس البشري ماينقرض .... <<<شدعوا دينصورات مو اوادم..
وبعدين من قال لك اني منيب مكملة دراستي والله بكمل .
حسيت ان عيون ابوي بتطلع من شدة علامات التعجب اللي في وجهه .. بعدين انفجر من الضحك
هههههههههههههههههههههههههههههههههههههه im22
ههههههههههههههههههههههههههههههههه
- هي انتي وين رحتي ... حدك حدك لا تشطحين !!!
- وش اشطح ؟!<<<ماتعرف أملاء
هذي الحقيقة يبه والحقيقة ماتزعل .. وانت الله يطول لنا بعمرك علمتنا على الصراحة وحب الحقيقة
- أي عريس وأي هم ؟؟!!
انتي مسخنة ؟؟<<يعني مرتفعه حرارتك..
هذا المتصل مندوب شركة يبي يجي يوريني المكنسة الكهربائية العجيبة على قولته اللي تغسل وتنفخ وتطبخ ...
قومي نامي يابنيتي ... ولا تكثرين قعدة قدام التلفزيون ... الحين بس عرفت ليه سكرتيه تو...
:frown:
:frown:
:frown:
انا لا تسألون عن وجهي ...
الله يقطع أم العجلة اللي تعرفونها ....
مشكلتي اني أجزم على طوووووول قبل أتأكد
استروا ما واجهتوا ...
عقبال الجميع ...
... فشيله...
ادري وواحد صفر لكم..
][ من بريدي ...
المشاركة الأصلية كتبت بواسطة " نوير كلها حركتات "
مواقع النشر (المفضلة)