[align=center]مقدمة :-
قصت تختلف عن غيرها واتمنى تجوز لكم مع اني داري انها ماصله ويمكن تغيب شمسه عقبها بس ان معد رد فكل واحد يحلله تكفون وعلمو
اهله انه سارق مارس من بقاله ابو السنيدي القصه لاتبت للواقع بصله <<< امش درعمو للسالفه ولايكثر .................
((مشبب ووجع جب النفيع تحت في المصباح انا عند البقره)) <<كل يوم وفي نفس الوقت الساعه 6 المغرب في ولايه
لاكسمبورج يسمع هالجمله مشبب من عجوز (( هيفاء النتيفه )) عند باب بيتهم 24 ساعه ترددها ومل منها وكان شايل النفيع في سطل
(النفيع هو تشكيله بواقي الاكل اليومي من قشور فواكه ان وجد وتول شاهي وقراطيس وعبس تمر وغسال القدور
ومرق طماط وحب جح وما لذ وطاب من الخمام)
ينزل به مع الدرّج ويتكبكب على ثوبه من تحت وصايرن هالك الثوب كنه بلاكاشه من الوصخ واصابع رجلينه متناشبه من 10 سنين
واذا شفت ماطات رجله تلقى بين الاصابع دود ومسامير ..مرت الايام وكالعاده جسّرت البقره (يعني ودها بثور يونسها )
وطمر يجيب الثور من شايب(ن) يعرفه ابوه وبدق سلف بهاك الهايلكس اللي موديله صفر وبدون بيبان(صاير(ن)كنه غماره هليكوبتر
حقت رش الجراد) وبجي يبي يحمل الثور الله يعيده من يوم ويوم رفع يدينه فوق الصندوق وباقي رجلينه تحت جاء من ورى عشان يزمّه(يرفعه)
على فوق عشان يركب ويوم خمه مع ورى وسقطت رجلينه بين فخوذه وحظنه عشان يرفعه وهو اللي يفهم غلط ويحسب انه قاعد يقل أدبه عليه
واخر شي يذكره انه التفت ثم سمع صمخه قويه
والتفت مشبب ويشوف النتيفه واحدة(ن)من بنات الدرعيه وتوقعها هي اللي صمخته وكانت هي الوحيده ذاك الوقت اللي عندها ثوب ابوغزالين
ومسفطته اذا جو أهل الشرقيه للدرعيه تقعد تتميلح به وقالت هلا مشبب ! قال هاا اخلصي منيب فاضي لك..قالت طلبتك هاذي اخر مره قال وشو ؟؟
لاتقول ان منيره بتجي؟؟<<< امحق أسم لعنبو خيركم طلعت أسامي وش زينها ودك تجرع راعيتها والله يابعضهن احسبه اسم اكله من زينه
قال الا بتجي وتقول خلها تطس ((للمعلوميه منيره هاذي يحبها العبيط مووت وهي ماتواطن خشت النتيفه في الدرعيه ولاتوادي مشبب ابد
وتقول خله ينقلع ولا راح وامرح عند اخواله وبالعاده تجي بالاعياد وتقعد اسبوع ويقدر يصرف نفسه يروح للرياض او المجمعه الين تطس بس
هالمره بتقعد الصيف كله)) قال يالعبيط ياوجع تراك اشغلت امي انت وخويتك هاللي من شافها قال زينب العسكري ولا تفيده ابو الدويش <<< الثانيه
ما اعرفها بس شكلها زينه
قال المهم اطلعي للرياض وانصي المطار واركبي اول طياره عشان احلف لها انك سافرتي وخذي هذي الفلوس منها مجمعتن
فسحتها عشان الصيفيه ماتشوفك
لعنبو خامسها تقول قاعد(ن) يراقبها ولاشغال في الهيئه ويتصيد عليها شي قال في نفسه ياولد وش بيضرك سافر على حساب
هالدبشه هي والطعس اللي معها(المشكله ياليتهم يتقابلون تسان مايخالف البلااا لايشوفها ولاتشوفه بس بالتلفون ويجي يطق
الجدار من الحياله اللي جنب بيتهم وترد عليه بطقات جدار ثم يسولفون في التلفون بطقطقه الجدران اسبوع
(يارب لك الحمد والشكر وينهم يشوفون مشبب يوم تعرف على وحده وراح يقابلها وقالت ابزدم الباب ويدخل في الملحق ويبجيك
ويوم جاء في الحاره ويدف الباب ويدخل بشويش في الملحق ولا ولعت النور وجلس ويحس بشي يابس تحه ويتلمس وشو؟؟
وصار خالهم جاي من الديره وممرح في البيت ومجالد هو وواياه الين بان النور ويذكر انه طلع في سياره مسدوح فيها بس
مدري هي جمس ولا اسعاف لا ومن الغبنه صار داخل(ن)بيت جيرانهم )
نرجع للموضوع ..ويركب الطريق وعلى الرياض وللمطار سيده وبنفس الثوب حق النفيع (اذا فصخه ما اعلقه يحطه حط على الارض ويبتل واقف)
ويقص له تذكره ومايدري وين متجهة له ويعطي العسكري جوازه ويختمه وهو يضحك وقال خير؟؟ (اكتشف انه ميت ضحك على جوازه
عشان مجلده مثل الدفاتر من الفرحه وحاط الماده :-جواز واسم الطالب:- صنت الـ..<< بلاش يالوح )دخل الطياره وباقي في مخباته 188 ريال
وقال انشاء الله بتكفي((لاني وزنتها على جيات الرياض كان يطلع بـ 50 ريال ويصرف خمسه ريال بس في اسبوع)<<< بلاااك ماياكل
الا نفيع ياوضيع << تحسون انه حاقد على عمره نزل ويركب اول تكسي وقال ودني للتخصصي حقكم ويوديه للشنزلزيه
((قسم بالله انه عجز يحفظ اسمه)) وينزل فيه بذاك الثوب وقامو يصورون البزران معه يحسبونه مهرّج وجاي
متنكر ومحطوط عند حده المطعم دعايه...
اثناء ماكان يتمشى وكل شوي ينزل يلمس الزفلت حقهم ويلقاه صاقع في عز الظهر ويقول يالله براد الجنه شطف
من جنبي فياقر لوحات سعوديه <<< الله من زود الشلخه ويلبق عند البقاله وينزل منه ((الوليد بن طلال حفظه الله ورعاه))<<< تحسون انه خايف
ويدخل البقاله وياخذ له غرض بقيمه ريالين وعطاهم خمس ميه وقال الهندي راعي البقاله مافيه فكه ورفض يبيعه
لانه مايعرف الوليد <<<متاكد انه في فرنسا ولا الحبونيه بشوف حتسي كله بالريلات جاء وطلّع فكه من عنده (( مشبب مو هين ))
وحاسب عن الوليد ابن طلال وقال خله ياطويل العمر الحساب عندي وقال لا والله ماتحاسب <<<<< احلام مهوب يقظه الا احلام
ماتنحلم في الاحلام<<< وش يبي ذاا حاسبت وخلصنا وطلع برى المحل هو وسيدي صاحب السمو الملكي الوليد ابن طلال وقام
الله يطول بعمره وفتح الدرج وطلع دفتر الشيكات وكتب شيك بخمسين الف ومده له وقال تفضل هذا عشان طيب اصلك قال لا
الله يطول بعمرك مشكور والله يخليك ويحفظك لعينن ترجيك انا ما اخذ شي بدون
مقابل ما ارضاها لي <<<ايه هين قال بس هاذي هديه مني لك قال ابو صداح (( مشبب بين قوسين ))
اعذرني عندي مبداء وماودي اغيره واذا انت ملزم ففي ذمتك لي ريالين اذا رجعنا للسعوديه ضحك الوليد عليه وقال وش اسمك؟؟
قال مشبب ..قال وطلعوك الجوازات وهذا اسمك؟؟؟ قال وهو يضحك خلااص يامشبب اذا رجعت للرياض كلمني
وابعطيك الريالين <<< ضنكم بيتركها الوليد بن طلال الله يطول بعمره يحسبه يمزح ويحسب انه ولد نعمه وان الموضوع
كله مجرد نقاش عند بقاله مادرى انه باب انفتح عليه والله يعينه 0
0
0
0
0
0
0
0
0
0
0
0
0
0
نكمل لكم باقي رحلة مشبب في الحلقه الجايه
رجع مشبب للوطن بعد ما اشتغل سنتين بواب في الشنزلــ ..الخ عشان يجمع فولوس التذكره للعوده ونجح
في امتحان القبول في الوظيفه من يوم شافو ثوبه ويرجع مطفر للرياض وباقي يدبر فلوس الرجعه لشرقيه ومافي
راسه الا الريالين اللي سلفهم الوليد <<< موب عاقل قال خلني اخذ المضمون ثم ابداء ادور لي شغل وينصى بيت
الوليد ويرن الجرس ويطلعون الخدم والحراس وقال وين طويل العمر؟؟بيني وبينه موعد
((المشكله انه لابس نفس الثوب ولاااا خادم فيه سنتين بعد شغل بواب يعني ادبل الوصخ))
ويلقطونه في خيشه ويربطونه ويذبونه في اخر بران النضيم عشان ما يدل الرجعه((مثل القطاوه))
ويقعد من بعيد لبعيد يراقب البيت يبيه يطلع ومااش عجز يقابله وقال كل ذااا عشان ريالين؟؟
اجل لوني مسلفه عشره وش بيسوي؟؟<<<< يلعن ام التفكير
ويطيح في جندي اول في زاويه القصر حارس وشرح له الموضوع وقال
اذا تبي تقابل الوليد رح لمشروعه الجديد حق عماره المملكه وبتلقاه هناك
توجه للمكان وكان المشروع توه جديد وفي بداياته ويقعد يدور على
رجلينه ويناظر القبو ويهوجس وقال ياولد وشوله تاخذ الريالين ثم يضيعن من مخباتك
ورى ماتشارك الوليد فيهن بها المشروع يمكن الله يفتحها بوجهك وهو قاعد يشاور
نفسه لقى انه موافق وطب في القبو وقمام اشتغل مع العمال ويشيل ويحط تسنه موظف
معهم حتى هم انبسطو وماقالو شي قالو خلو هالسفيه يساعدنا وشوله نسئله
ونخليه يهج<<<<< والله بعد قمه الثقه اللي قرر واشتغل من نفسه الثور وشوي
وتجي نفس الفياقرا اللي في فرنسا ويجيك طالع من القبو يمشي مليون الين انبطح
على الكبوت لاينحاشون عنه وينزل طويل العمر وقال من انت؟؟؟ قلال انا مشبب
ماعرفتني؟قال من تبي انت؟؟ قال انا اللي سلفتك ريالين في فرنسا ويمسك بطنه
ويموت من الضحك وقال هلااا وغلاااا براعي الريالين <<< يحلفون مافيه امل
يقولها لا لك ولا لهلك يالشيفه قام وقال عطوه ريالين وعطاه ظهره بيمشي وقال
ياطويل العمر انا طالبك والتفت وهو يمسح دموعه من الضحك وقال سم !! امر
!! قال مابي الريالين ودي اشاركك في المشروع هو قالها ولا ماقالها معد شافهم
الا ميتين ضحك وكحكه وقعدو ربع ساعه وهو حافي ورجلينه كلها ريغه وثوبه
مايحتاج اوصفه لكم توقع طويل العمر انه مهبول ولا ناقص(ن)عقل وقال خلاص
زي ماتبي انت شريكي يامشبب في المملكه ولاتزعل هو قالها ولا ماقالها جاء
بيطمر لمه بحكم الشراكه اللي بينهم واخر شي يذكره ان مواطي رجلينه جنب
وجهه ((دفوه على قفاه وجاء مجاوب في القبو من على الخط))
الوليد وافق بحسن نيه ومايدري انه توهق في مشبب اهله حاطين خمس
ذبايح يوم مر سنتين ماجاء لهم يحسبونه ميت والله ويبداء يشتغل باأمانه
(تعرفون راعي الحلال يشتغل غير )) وكل ماجاء الوليد لقاه واقف عند
العروبه وحاط يده على خصره ويعطي توجيهات للي يرفعون الصبات ويغمى عليه من الضحك وماعطى الموضع اي اهميه..
جاء ودخل عليه وقال شف ياطويل العمر ترى انا لي في العماره زي
مالكم ولازم بحكم اني شريك احظر الاجتماعات واعرف وش قاعد يدور
في حلالي ويموت ضحك ثانيه وقال رح غير ملابسك واغسل وجهك ويكون خير
رد مشبب وقال عهد(ن)علي اني ما اشتري ثياب الا من اول اجار
لعمارتنا << لايفوتكم الجمع قال طيب.. ويصير يحظر الاجتماعات ويعطي
ارائه وعقب اقتراح اقترحه معد حظر عقب هاك اليوم ابد وكان الاقتراح
يسولفون في الفتحه اللي فوق ويقولون ورى مانحط فيها ساعه!!
قام قال يا جماعه <<< في ملحق ابوك انت قال اكثر ماكثر الله الساعات في
يد كل واحد ساعه وفي الجوال ساعه وفي السياره ساعه وسمعت انه بيطلع
ساعات للرجلين بعد عشان الواحد اذا جعّص يناظر الساعه بدون مايحرك يده
قال الوليد بن طلال((حفظه الله)) اجل انت وشرايك يامشبب قال بما انكم رسمتو
الشكل النهائي وتوهقتو به فأنا اشوف اننا نقلب العماره ونخلي الفتحه على طريق الملك فهد
وتصير كنها اندنوسيه مفوحشه ويدخل(ن)السيارات من بين رجليها وهي رافعه فستانها
و,,,طخخخخخ <<<< الطفايه وسحبوه ومع الدريشه بس الحمدلله كان الاجتماع في الدور الاول مابعد وصل فوق
0
0
00
0
0
0
00
نكمل الجزء الثالث في يوم اخر لاني تعبت من كثر ماني مركز مع الداهيه مشبب
راحت الايام وبداء التأجير وبدت الغثاثه وصار كل يوم يدق على الوليد ويقول الحين
محل الكنادر من انتم ماجرينه له؟؟ واللمبات اللي فوق وشوله تغيرون الوانها
خلوها لون واحد عشان ماتصرف علينا<<< الله من الذهانه واشغل الوليد
في عمره وكل يوم جايب واحد يبيهم يأجرونه محل بيفتح مطبق من اهل الدرعيه
من شلة النتيفه وقال الوليد يامشبب بيخّيس علينا العماره وهو يقول فيه شي
اسمه هوايات استمر الوضع 4 شهور على هالحاله وازعاج الى ابعد الحدود
وكل ماجاء يطرده قال ماحللتك ياطويل العمر ويخاف من الله ويصبر ويوم جاء ليله
وطق بابه ويطلع له الحارس ويشغلون الكميره لطويل العمر وهو بثوبه على العتبه
وقال ياطويل العمر فيه نجف والع في الدور العشرين والعالم طالعه هالحزه من
اللي مخليها والعه دق على الحارس يطفيها <<< مستاجر في الحاره ويناظر
القزاز كل ليله طلع الوليد معصب وقال ((الله ياخذك وياخذ يوم(ن)جمعني فيك يالشين انت
وش تبي مني ياخوك انقلع عني ولعد اشووف وجهك والعماره معد ابيها ولو تبي بيتي
عطيتك اياه بس فكني الله ياخذك انت وريالينك اللي صجيتنا فيها ويطلع ورقه ويتنازل
عن العماره كلها وقال ان شفتك في شارعي او دقيت علي ورب النعمه لا امسح شمسك
يالماصل يالشين واخذ الورقه واطلع لعمارتي وافصل العدادات كلها من تحت وصارت
المملكه له لحاله وكل محلاتها اللي تحت اجرها محلات مطبق وخضار <<< هذي شغلات اهل الشرقيه
ورقى لمكتبه في الدور العاشر وتحظن الاوراق على المكتب وغمض عيونه وقام يخمخم حلاله ومع
الهواء البارد غفت عيونه وانشقت السماء علي مويه دااافيه وفيها ريحه وبفتح عيونه واثر راسه بين رجلين الثور
((اللي صار انه يوم خم الثور مع ورى بيرفعه وشك انه قاعد يسوي حركات وصخه عليه عطاه دبل كيك خلفي بين رجلينه
وارتفع 3 متر وصمخ راسه في الهنقلين حق الونيت وطاح بين رجلينه مغمى عليه ودخل في غيبوبه وابحر في
عالم الملايين والمويه الدافيه عرفتو من وين هي اكيد)) قام واخذ عسيب ويمحط الثور مع ظهره الين ماوقف
من الحروره على التنده ويرجع بكل خيبه امل حتى الريالين مهيب في مخباته
وانتهينا من قصة الكارثه الله يرجه
وانتظروا قريبا بطوله النتيفه
يبيلنا نسوي بحث شامل عنك ولا انتهيت كعيت كل معلوماتك
ليس منقو و و و ول من تاليفي اخوكم : هـ ـ ـ ـمــ ـ ـ ـر
هذي قصه واحد صاحبي موسويها فيه بالايميل ^_* :1ar: [/align]
مواقع النشر (المفضلة)