[align=center][/align]
[poem=font="Simplified Arabic,6,black,bold,italic" bkcolor="transparent" bkimage="backgrounds/15.gif" border="double,6,gray" type=2 line=0 align=center use=ex num="0,black"]
قلبـي خالي, ماقبلـك انسـان طبّـه=مادونـه الا عضـة النـاب بالـنـاب
حاميه سنيـن , ماحـد ٍ لعبّـه=لابالنظام , ولاتحـت شرعـة الغـاب
مايستغيـث احـد ٍ سـوى الله ربّـه=ماله ربيـع الا القرايـب والاصحـاب
يسمع بنـار الشـوق بيـن الأحبّـه=من قيس الى ليلى ومن نوت لعقـاب
وش جابك انت ؟ وصرت للهم سبّـه=وانا منوّل كنـت مرتـاح الاعصـاب
اثرك وانا فـي زعمـي انـي متنبّـه=مدري بضعف , او تحت تأثير واسباب
فـي ليـلٍ مظلِّـم , وساااكـن مهبّـه=مثل السكون اللي قبل نـزع الاطنـاب
وضعت يدك , وضـاع قلبـي ولبّـه=واصبحت بين مصـدق وبيـن كـذاب
سـوّرت قلبـي ســور ماينتشـبّـه=الا بسور الصين , مقفـول الابـواب
بنيت لك صـرح , ومنـارة , وقبّـه=واسست لك معبد , وشيدت محـراب
واظهرت ماه , وسـال مـاء المحبّـه=فيه الشفق غايب , وفيه الشهـد ذاب
وعلـى ضفافـه يـوم ينبـع مصبّـه=زرعت مالذ , وجنيت انـت ماطـاب
وانا جنيت الشوك , المَّـه , واشبّـه=واذا طفا مشهاب , ولعـت مشهـاب
من شان اداوي جـرح ٍ الكـيّ طبّـه=وان جيت اباداويه , شميت الاطيـاب
عـزل المريـض بحالتـي مستحبّـه=وانا اكتفيـت بعـزل اذانـيّ بحجـاب
كني عن العـذال فـي جـوف غبّـه=أطيب عذول اشوفه يمـارس ارهـاب
ماوحي بك مصوّت ولا سمـع منبّـه=مفتون بك حاضر , ومجنـون بغيـاب
وان قالوا اجفه , قلت اعشقه , واحبّه=ماجفاه , لو يجفا النظر سود الاهـداب
ان مـر طيفـه , قلـت ياقلـب لبّـه=ارفع له الترحيب , واخفض له ارقاب
ان جيت ابامدح فيـه , كنـي باسبّـه=كل الكـلام يتـوب , والفكـر ماتـاب
وين المشبّـه فيـه , ويـن المشبّـه=احترت افكر فيه , واقول وش جـاب
قصيدي ان جا فيـه زاد الطـرب بـه=باموووت ماجافيه , والقـاف ماشـاب
يبقـى لـي آغَنيْـه لاطـلال حـبّـه=وين انـت وتغنيـه يانـاي زريـاب [/poem]
[align=center] ღ♥ღ مما راق لي ღ♥ღ
[glint]دمــتــم بــخيــر [/glint]
[glint]هــمــســة غـــروب[/glint][/align]
مواقع النشر (المفضلة)