الهنـوف

[سعود القحطاني]

الحوراء بنت نجد


سلام عليكم ...


صباح \ مساء .. الخير للجميع ...


كيبورديه متواضعه
تتمنى منكم القبول


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
الهنوف الساكنه بين الضلوع المنحنيه=والله ان تبطي وتبطي ماتناحت عن سكنها
اهنفت قلبي بلا ميعاد .. لبا ذا البنيه= وارحلت عني بلا ميعاد .. ويل القلب منها
خابرنها من لدود العين خفره مستحيه=وخابرنها مهرةٍ ياصعب تجويدة رسنها
وخابرنها من حلاها ماأرثّت لأحدٍ بقيه=كنها بعرش الحلا متربعه تامر وتنها
وخابرنها لا تثنت ارسم بلوحه بهيه=(ثمرتينٍ ناضجه من نضجها ميّل غصنها)
وخابرنها تحبني .. وتشتاق لي .. وتحن ليه=وخابرنها وخابرنها والله اني خابرنها
ليه خلتني معرّض للهبوب الموسميه=وليه خلتني .. بلا علم بمرابعها ووطنها
اول اليا من حزنت القى من يهون عليه =وعقبها ... احزاني يتيمه مالقت من يحتظنها
واوجودي وجد من نص العزا عيد الضحيه=آتوجد وأتكتم .. لكن العين اتعلنها
اسنتينٍ منّها والشوق ناره مصطليه=وغلطةٍ منها وانا اللي للأسف دافع ثمنها
انتظر مرسالها والإنتظار اكبر بليه=ولا لفا مرسالها من يوم ماقفى ضعنها
بس تبقى ساكنه بين الضلوع المنحنيه=لو نحت عن ناظريه .. ماتناحت عن سكنها
عادتي لامن حملت لشخص حب ومقدريه؟=لونساني مانسيته .. عادةٍ ماأجوز عنها[/poem]

[(اختصار)]

صح لسانك على النص الجميل




/


وصح قلبك وفكرك على بيتين التوقيع

[هنوف العتيبي]

[align=right]صح لسانكـ عدد نجوم السما

:


اخوي سعود


:


لا هنت ع القصيده الرائعه[/align]

[بنت ابوووها]

هلا بالشاعر \ سعود القحطاني


نص إبداعي ,,


وحروف اضاءت المنتدى بنور تميزك وإبداعك


لاهنت وصح كلك


على روعة الحضور


ودي وتقديري

[الحوراء بنت نجد]

[poem=font="Simplified Arabic,6,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الهنوف الساكنه بين الضلوع المنحنيه=والله ان تبطي وتبطي ماتناحت عن سكنها[/poem]

[align=center]والهنوف ياسعود جادت لنا بهذا النضح المعبر من شاعر

رفيع المستوى في نثر ابداعه--

سعود القحطاني--من شعراء الزين الأوائل واللذين لهم

بصمة سخيه في التميز والحضور وجذب الذائقه--

لاغرابة ان يتميز هذا النص بلمسات الوفاء من شاعر

صاغ فأبدع في جل معانيه--

بصراحه-- أنا جد مسروره بعودتك ياسعود-- اتمنا تواصل

حضورك فلك محبيك ومتابعي نبض روحك الراقي--

تقبل مروري--[/align]