حارت الكلمه وثار الـدم بالخطـب الجلـل......
السلام عليكم ورحمته وبركاته
حارت الكلمه وثار الـدم بالخطـب الجلـل
مدري كيف أبدى ومن وين أبتدي وليه أبتدي
انغبت الله يجير النفـس مـن هـم الملـل
كيف أرد الصاع لك صاعين وأبدى برعدي
المصيبه ماحكيته يجعـل قصـورك طلـل
يهدم الباقي يثرهـا.. والحكـي مابـه ودي
خنجر القاف انطنى ثم انطنـى ثـم اعتلـل
اقسم برب القيم لـولا القيـم جابـك فـدي
الله لايجزى شياطين الشعـر غيـر الشلـل
خلتك تكتب كلام أبعد عليـك مـن الجـدي
مالك وماله حسافه صارت فلوسـك هلـل
ودتك رجلك على دربٍ يهـد اللـي يعـدي
المراجل ما تقاس بطـول شـارب أو كلـل
مخطي والمخطي لزوم يعرف من قبل يغدي
ماأخبر ان الشنـب كـان لمراجلنـا دلـل
وانت من حكيك تعم الكل.. شين و أجـودي
يعني ان (بهلوول ) ابن أم الهبل مابه زلل؟
والاديب ابن الاديب اللـي يخفـف معتـدي
ياخي استح لعن ابو حي الحروف وما حلـل
والله انك تحرق النفـس الكريمـه بجسـدي
يالبناخي لاتطـاول ماهـي ارض وتحتلـل
كل رجل وله مهابه وانت عارف مقصـدي
جنب المزن ودروبـه لا تصيبـك بالبلـل
واحشم اللي حشمو من حشمتك حتى الـردي
ولا تحذف البحر بحجارك وخل عنك العلل
ما تأثـر فيـه لكـن يتعبـك زود جهـدي
يا ردي كلمه بديته كانـت بـراس الخلـل
والخلل كل الكلام اللـي نظمتـه يـا ردي
وان شالله اعجبتكم وهي للشاعر الكبير
بدر اللامــــــــــــــي
رد مع اقتباس
مواقع النشر (المفضلة)