ياصاحبي مدري متى تزين الاخلاق
ياصاحبي مدري متى تزين الاخلاق
مدري متى هالقلب ينـزاح همـه
:
اسهرواداري عبرتي لين الاشـراق
وافز من نومي على الفيـن غمـه
:
تركض بي الدنيا على كل الاسواق
مصايـب مابيـن هرجـه ونمـه
:
هم الليالي بالحشى يحرق احـراق
يدور بـي تفكيـر كيفـه وكمـه
:
والهم يعصف في خفيات الاعمـاق
والناس جرح القلـب ماهـم بلمـه
:
مدام مـن تعشـق انانـي وبـواق
وش يجبر المسلم على حرق دمـه
:
وسعت انا الخاطر الى حد ماضاق
وضاقت على من ضيقته كل يمـه
:
مهموم محـزون كئيـب ومشتـاق
فيني تعب يتعب غثاه الـف امـه
:
مليت مـن دنيـاي اقـلام واوراق
ومليت من ناسي مهي بـي ملمـه
:
الله يافينـي معانـات وارهــاق
الله يـا بالجسـم ســم يسـمـه
:
قربت من ياسي وسديـت الافـاق
من حقه المحـزون وقتـه يذمـه
:
كل ماتوقعته يجـي خاطـري راق
وارجع والاقي جيتـه بـس خمـه
:
والله يافي داخلي حـب واشـواق
اكثر من الي في حشى ابوه وامـه
:
متى يجي واشبع منه ضم وعنـاق
متى يجـي ويحـس دمـي بدمـه
:
متى يجيني للغـلا حيـل مشتـاق
واخذ من ارياحه على الريق شمـه
رد مع اقتباس
مواقع النشر (المفضلة)