[rams]http://www.6rbtop.com/downram.php?song_id=3326&type=au&q=hi[/rams]
يقولون القصيد احساس واحساس القصيـد ابـداع
وانا من وين ما اوجه قصيـدي جـاك بأحساسـه
ترى ماساقني صوب القصيد الا انـت والمطـلاع
هجوسي منـك والمطـلاع لا شرفـت نسناسـه
يحن القلب من بين العروق ومن ورى الاضـلاع
وخطاك اللي ذبح مغليك خـلا النفـس محتاسـه
تداهم كبريائـي وحشتـك وافـز قبـل انصـاع!!
لتيـار الولـه والشـوق مايرفـق علـى ناسـه
على ذالحـال ياشيـن الجفيـا والرجـا ماضـاع
بعد ربـي بقلـبٍ مـن حنايـا صـدرك انفاسـه
اعرف الصيف من حر المكان ومن شحوب القـاع
واعرف الهـم لاصديـت مـن راسـه لكرياسـه
واعيش الليل واشكي الحظ منك والصـدر ملتـاع
وانا من قبل اعرفـك ماشكيـت الحـظ وافلاسـه
على لاماك ماخليـت صدفـه والـدروب انـواع
اسوي لك صدف ولا الصراحه سـرق واخلاسـه
تراودنـي مجاهيـم النوايـا وانــت ماتنـبـاع
واشتتهـا بفكـرٍ فـي الوفـا والعـز مجلاسـه
سقى الله قبل اعرفك واعرف دروب الهوى وانصاع
وقبل لا اسمع بعشقٍ يطرح العاشق علـى راسـه
وسلامتكم
مواقع النشر (المفضلة)