محــاوره .. بين المــوتــر X والـذلـول

**إبراهيـم بن سعود الدوسـري** · 11-09-2005, 08:04 AM

الســــلام عليــكم ورحمــه الله وبركــاتـه

بســـم اللـه الرحـمن الـرحيـم

جبت لكـم قصيده قلت خلني احطها هنا محاوره بين موتر وذلول كل واحد يتشرره ويعاتب الثاني وبالاخير يا طويلن العمــر الظاهر انهم .. تراضو

اخليــكم مع القصيــده

يامن يريد السوالف والعلــــــــوم
صار قصه عارضه في ذات يوم :biggrin:
صرت ريسها وحاكمها الزعــــوم
حسب ماقالو لي اطراف النزاع
ــــــــــــــــــــــــــــــــــــــــــــــــــ
الجمل جاني وقال انت الصديـــق
المواتر ماتفيدك وقت ضـــــيق
لاالجبال ولاالرمال بها تطـــــــيق
كود في خطٍ مزفلت واتســـاع :18ar:
ــــــــــــــــــــــــــــــــــــــــــــــــــ
جاني الموتر بنظرات الزعــــــــل
قال شف بالله ف هذا الجـــمل
الذي ولى زمانه وارتـــــــــــــحل
يتحداني وانا السيد المطــــاع :16ar:
ــــــــــــــــــــــــــــــــــــــــــــــــــ
الجمل جاوب جواب الواثقــــــــين
قال فينك ياعزيزي من سنيـن
فينك في عهد الصحابه الصالحين
لا تقول انك ليدة الإختـــــــراع
ــــــــــــــــــــــــــــــــــــــــــــــــــ
قال انا صنع الحديد ومن حديــــد
انا قربت المسافه للبعيــــــــد
من شراني يقضي ايامه سعيــــد
قيمتي آلاف وانت بكم تبـــاع :*
ــــــــــــــــــــــــــــــــــــــــــــــــــ
الجمل شمخ براسه وابتســــــــم
قال لو ماطورك اليوم انعـــدم
عندك القدره لتوصيل الحكــــــم
والا ما تقدر يكون على الخداع
ــــــــــــــــــــــــــــــــــــــــــــــــــ
قال يبشر بس ياجي بالغيــــــار
الجمل قاطع كلامه بإعتـــــذار
قال الا يامال قصار الاعمـــــــار
يخدمك راعيك والا للضيـــــــاع
ــــــــــــــــــــــــــــــــــــــــــــــــــ
قرب الموتر وسارع بالخضـــــوع
واعتذر مني وفي عينه دمــوع
قال هذا حال عالمنا الطمـــــــوع
يشترط صاعٍ مقابل ربع صــــاع
ـــــــــــــــــــــــــــــــــــــــــــــــــ
قلت لا تزعل بسيط وصار خـــــير
الجمل مغرور والدنيـــــــــا بخير
يالله وصلني ترى صرنا عصير
وانت يالحاشي نشوفك والوداع
ــــــــــــــــــــــــــــــــــــــــــــــــ
قال لي الموتر ابي بعض القطع
غلق البنزين والسير انقطـــــــع
وللإحاطه البلاتين انلــــــــــــذع
قلت لا تمزح ترى مافيـــــه داع
ـــــــــــــــــــــــــــــــــــــــــــــــ
قال هذا يا صديقي اللي جــرى
قلت لا بوركت ياذا المــــــــوترا
من شراك ومن يبيعك يخســــرا
يا مخسر يا وليدة الابتــــــــداع
ــــــــــــــــــــــــــــــــــــــــــــــ
راكبك دايم حياته في خـــــــطر
كم شهيد منك بخلال الشهـــــــر
تدعي بالود وتعادي البشــــــر
بعد هذا اليوم مافيك انطمــــــاع
ـــــــــــــــــــــــــــــــــــــــــــــ
قال انا مظلوم والناس الســــبب
جاعلين السرعه شعار ولقــــــب
والقياده فن وأصــــــول وأدب
للأسف عن خذو سوء انطبـــــاع
ـــــــــــــــــــــــــــــــــــــــــــــ
الجمل سارع وقال الحق بــــان
ليش ما وديت سيدك يا جبــــــان
وانت ذاجبته من بلاد الأمــــــان
تتركه للخوف وديار المـــــــــراع gif88
ــــــــــــــــــــــــــــــــــــــــــ
جاوب الموتر وصوته منخفـــض
الخجل خلا حديده ينتفــــــــــــض
قال ياسيدي على الخط اعترض
الظلام اقبل ومنك الوقت ضـــــاع
ـــــــــــــــــــــــــــــــــــــــ
قلت انا دهري لركبك حــــدني
يكفي اللي صار منك وسدنـــــي
يالله ياسيد البوازل ودنــــــــي
مايجي بعد الفراق الا اجتمــــــاع :24aar:
ـــــــــــــــــــــــــــــــــــــ
قال أنا آسف ولا لا ثــــــــم لا
وانطلق ياكل من اشواك الفـــــلا
المصيبه انني بأرضٍ خــــــــلا
مابها إلا الطير وأصوات السباع
ـــــــــــــــــــــــــــــــــــــ
قلت معك الحق لو تعصى علي
طالت الفرقى وصرت مهملــــــي
عهدنا بك وانت مادون الثنـــي
كيف هذا اليوم مادون الربـــــــاع
ــــــــــــــــــــــــــــــــــــ
اسمعو يأهل المذاهب والعقـول
الإبل ثروه كما الفضه ولـــــــول
ثروة الاجداد مانبغى تـــــــزول
لازم نحافظ عليها من الضيـــــاع :58ar:

واتمــنــاء انها اعجبــتكـــم :25ar:

أخـــوكــم .. إبــراهيــم بـن سـعـود الدوســري