من هو الذي يبتسم لنا دائم هل هو الصديق ام الحظ
الحقيقه ان الابتسامه لا تدوم في وقتنا الحاظر السعادة لحظه والحزن في وقتنا كثير
والله من جد انا فيه شيء محيرني اهلنا من قبل يعني خلنا نقول قبل 50 سنه بالضبط مافيه التطور اللي فيه اللحين لا جوال ولا بلوتوث ولا نت و منتدى الزين مايعرفونه ولا سيارات كعابي يخلصون مشاويرهم بس عايشين بسعاده نحسدهم عليها مافيه حسد ولا قطاعه مع ان الحين دق سلف وابعد مشوار في نفس المدينه اللي انت فيها خلنا ساعه بس مع كذا قطاعه انا ماعشت معهم بس احيان احن لوقت الاولين البيت الطين واثوابهم الاكمام فيها صفطه والطواقي زري من يلبسها المساند القاسيه الله حدة امي الله يرحمها انا لحقتها تسولف لي امي تقولي اول كنا اذا جاء المغرب طلعنا السطح مافيه مكيفات ولا انوار كان فيه سرج كنا نطلع السطح ونرشه مويه طين البيت عشان يبرد ونحط الدواشق ونفرش الفرش وننام ، حياة روعه بساطه
ابصراحه انت وش تختار حياة اول والا اللحين من جد
مواقع النشر (المفضلة)