السلام عليكم ورحمة الله وبركاته
كيفكم ؟؟
أمس رحت القصيم .. أبي أقدم على الترم الصيفي ..
ودخلت بريدة أنا وأخوي الأكبر .. اللي كل ما شاف جهازي ما فيه احد دخل وحاسني لين يجيني باند وطلع
وبالعادة أروح أنا وواحد نتمشى أقرب لفه نلف معها ونفرفر وما انتبه لشي ..
وما نسأل أحد لأن أحسن شي بالفر إنك تضيع ..
وتدور يمين يسار وتكتشف أشياء غريبة << خانه التعبير
المهم فرينا في بريدة ندور الكلية التقنيه ..
يمين يسار فوق تحت << تمارين الله يهديك
وما لقيتها وأنا قبل كل شوي أشوفها قدامي يوم كنا نروح فاضين بس يوم بغيتها ما لقيتها gif22
وصلنا فجأة إلى وزارة الإعلام والتلفزيون والرادو وكل شي
ولقينا شاب وسيم لابس ثوب نوم " كانت الساعه 12 ونص الليل " ..
ونسألة وين الكلية التقنية ؟؟
قال مقفلة الحين
قلت : نبي نعرف مكانها عشان بكرة ..
قال : من وين انتم ؟؟
قلت : من عنيزة ..
طالعنا ببتسامه مدري وش تبي وقال : وش جابكم يأهل عنيزة هنا ؟؟
قلت : أبد والله نتفقد الوضع
ومشينا وأنا في بالي سؤال ودي أسالوهـ من زمان ..
وش بينكم يأهل بريدة ويأهل عنيزة ؟؟
السؤال الذي حير العلماء والمكتشفين ولا زال البحث جاري عن الإجابة
كان معكم من أطلق مدينه في المملكة : جيزان
أخوكم باريس
مواقع النشر (المفضلة)