هذا حبيبي كله احساس وشعور
مشاعره مثل النسايم نديه
ما ريد غيره لو عطوني به قصور
ولا حسابات البنوك الغنيه
أدري يبيني لكن الزين مجبور
حده زمانه والظروف العصيه
يا الله ياللي منزل الكهف والنور
يا عالم بأسرارنا والخفيه
انك تعين اللي مفارق ومقهور
تجمعه في خله الين المنيه
؛؛ حبيبتي حطمتني ؛؛
زرت الطبيب وجربت دواه ما فاد
ومازال جرحي بين الاضلاع مكنون
مخفيه عن واشي ومبغض وحساد
صبري عليه اهون ولا عنه يدرون
ما يستحون ولا من الله يخافون
اللي تشيل قلوبهم غل واحقاد
وفي سوق قيل وقال باعه ويشرون
الله عن يوم يشوفون الانكاد
وباعمالهم يوم القيامة يجازون
؛؛ حبيبتي حطمتني ؛؛
صادفتها لكنها حيرتني
مدري نستني أو وش اللي خذاها
يا ليتها في موقفي كلمتني
والا سألت عن حبنا أو غلاها
يا ليتها يا ليتها خبرتني
عن حالها في صبحها في مساها
أقفت وأنا ولهان ما ودعتني
وغابت نجوم الليل عني معاها
؛؛ حبيبتي حطمتني ؛؛
نظرة عيونك حركت فيني إحساس
الزين فيها زين يا أغلى الولايف
يا مالك فيني الجوارح والإحساس
الحب فيني صدق ما هو زايف
أن قلت ماسة وش يجي عندك الماس
أغلى واثمن يا حسن الوصايف
وأشيل حزني في الزمن وارفع الراس
وتبرى على شوفك جروح وحسايف
وأنسى على اللقيا أنا جملة الناس
وأصرخ بعالي الصوت وماني خايف
وأقول احبك تنتهي نظرة الياس
في نظرة عيونك يا حلو الوصايف
؛؛ حبيبتي حطمتني ؛؛
ليتني طير ابسما فكرك واطير
واسبق أصوات الكناري واسمعك
ما أراقب خطوتك لكن أغير
ومن عيون الناس ما قدر أمنعك
اسمع إني في طرف عينك أسير
أسعد اللحظات دام إني معك
ليتني ظل وظلال لك أصير
وين ما تنوي وتمشي اتبعك
؛؛ حبيبتي حطمتني ؛؛
يا اللي غلاتك عندي اغلى من الروح
وفي القلب لك عندي مقر ومكانه
ابيك تسأل نفسك اليوم وتروح
من هو الا من غاب بحيا عشانه
مايكفي إني شلتك احساس مجروح
؛؛ حبيبتي حطمتني ؛؛
رسمت بحبها لوحة كما ترسم يد الفنان
أخذت الحبر من دمي ورسمت أجمل معانيها
بعيدة لكن أقرب من رموش العين للأجفان
وأنا عنها بعيد بس روحي ساكنة فيها
جميل الوصف في حسنك تعدى روعة القيفان
تمخطر لك بيوت الشعر وتزهى بك قوافيها
؛؛ حبيبتي حطمتني ؛؛
مشاعرٍ في داخلي ما لها حد
إحرص عليها لا تعرضها الاهمال
تراك مالك بالغلا واحدٍ ند
أنت الوحيد اللي له القلب مدهال
وأخفيه حتى من ورا خافي السد
وش عاد لو جريت به فيك موّال
أنا الى حبيت.. حبيت من جد
الحب ماهو كلمةٍ بس تنقال
؛؛ حبيبتي حطمتني ؛؛
الآدمي له في حياته تندام
وانا عليها ما ندمت بغلاته
حكمه علي اصعب من أحكام الإعدام
تلوعني لو عادت ذكرى صفاته
بعد الغلا ما بي يجي حزن وخصام
الله يستر حالها في حياته
؛؛ حبيبتي حطمتني ؛؛
يمكن يضيع الشوق في داخل إنسان
ويمكن يضيع إنسان من كثرة الشوق
الشوق لوعة وانتظار وحرمان
وآهات ليل ودمع وإحساس مخنوق
تلعب به الدنيا على كيف الأحزان
والنوم بعيونه من الهم مسروق
الناس تتعبها العواطف والأشجان
وما كل عاشق بالهوى صار معشوق
؛؛ حبيبتي حطمتني ؛؛
مواقع النشر (المفضلة)