بعدي و الله '! قوووووووويه‏

[هــَايدي]

تنهد محمد بشدة و هو يقود السيارة و بجانبه زوجته .. وسألها ' شفتي ذيك اللبنانية اللي في المحل وشلون تحاكي الرجال اللي معها؟؟ تهقينه رجلها ولا مخاوتيه؟؟

ردت :إلا رجلها شايفته يوم يلبس الولد جزمته بعد ما قاس عليه البنطلون

.
تجاهل ملاحظتها بالنسبه للتلبيس و تسائل بغباء:
وشلون؟؟
وش قصدك ..وشلون؟؟
ماسمعتيها وهي تقول شوف هالقميص حبيبي لونه حيصير يعقد لما تلبسه مع الجينز الكاكي من شان خاطري جربه يا روح آلبي.
وش يضركن يا السعوديات لو تسوون مثل هالأجنبيات..لطافة و شياكة وحكين يالله من فضلك

أولا :لو أقول لك ياحبيبي في المحل (وطيت رجلي )..

ثانيا: الحريمه لابسه بنطلون جينز محكك ماشفت فيه أي بادرة شياكه..

و بعدين تعال ، وراك خليت كل شي و ماسمعت إلا هالكلمتين الزينات.. ما شفته ما شاء الله وهو ياما شال البنية من العربية ياما حطها فيها ..ياما قاس اللبس على الولد ياما لبسه جزمته ..ويوم خلصت الحريمة منقية قال هاتي اللي بإيدك حبيبتي من شان وديهم لعند الكاشيير...مهوب مثلك إن كانك ذاك اليوم رايق و ذابحتك الرومانسية قلت إذا قضيتوا تراي واقف برا أحتريكم..<~اليمه



ياعمري وقلبي أنت تبي من يقول لك ياحبيبي و ياروح ألبي..ما يحصل ..اللي أوله شرط آخره نور ..شكلك نسيت يوم تقول لي أيام الملكة .ترى إذا قلت لك يا حلوة وحنا نتناقش لا تصدقين ..أنا دايم أقولها من باب السخرية و التهكم و لا أقصد فيها المدح إطلاقا..ما أقول إلا الله كلن يخليه لعميره و أهيله ..والله لا قايلة لك يا عمري ولا يا روحي.. الحب أحبك ..مانيب كاذبه بس هالكلمات يالله أقولها لعيالي إذا صخنوا... [ حقيقة مع اني أبنه سعودي و زوجة سعودي و أم سعودي و في يوم ما بإذن الله سأكون (جدة ) سعوديين و أفتخر بهم جميعا ]
إلا أن الشغلة فيها بجاحة..<~(طمع) شوي . لا والله مهوب شوي إلا ' بجاحة بلا حدود '

* أنت تبي زوجتك تقول لك كلام محبة و تعطيك عيونها وأنت في نفس الوقت ماتبي تعطيها عيونك ولا حتى نظارتك.

صراحة ...أشك أن السالفة سالفة أنكم بحاجة لكلام ناعم و ألقاب فقط (وأدري أن كل الموضوع حجة لتبررون به حبكم للأجنبيات الجميلات فقط ).. ولا هذي فوزية الدريع طول برنامجها وهي يا عيوني و ياعيوني ..' كن منكب فيهن رماد 'و ما شفناكم مقابلين برنامجها.. القضية قضية وش شكل قائل الكلمة ؟؟


* تبي زوجتك تحترمك وتغنج لك و تقول لك سم ولبيه و انت ردك عليها "هآآآاه ؟؟بمعنى نعم " أو وش هنا ؟؟
أنا أعرف ولد في المتوسط إذا ناداه أحد رجال او أمرأه رد ' سم ' ما يدري ان المرأة يقال لها 'سمي ' ليس لأن عنده مشكلة في القواعد و المذكر و المؤنث و لكن لأنه و بكل بساطة ما قد سمع رجال من اللي حوله يقول لحرمة << سمي >>




يا حليلك يالرجل السعودي عجيب وغريب و جرئ
*غريب ..تبي زوجة أقدامها ناعمة و ركبها بيضاء وانت رجلينك كن الوحدة محراث تنور ..و اقدامك الشطب الواحد ممكن توزي فيه سكينة سويس ارمي


*عجيب.. تبي زوجة تلبس جينز و تتشيك لك بتنورة وانت أربعة و عشرين ساعة صيف و شتاء تدير و تاكل و تنام في اللبس السعودي الرسمي فنيلة بيضاء نص كم و سروال سنة .. ومهما شرت لك المسكينة من بيجامات من تخفيض دبنهامز أو ماركس و سبنسر ما لبستهن (هي تشتري مخفضة ليس تقليل من قيمتك و لكن لأن الأمل ضعيف في انك تلبسهم )


ياشباب!! ( الشياب توو ليت ماعاد فيه أمل يتعدلون ) أنا متاكدة أن مافيه أنثى بتقول لها ' حبيبتي' و ترد عليك بجفاف ..الأنثى معطاء جرب تعطيها حنان و بترد لك أكثر .

الشي الثاني يا أبني لو أنت تشيكت و لبست داخل البيت مستحيل أم العيال بتجلس في خلاقين أو لبس أقل من اللي انت لابسة ..أصلا طبيعة الأنثى غيور و بتجاريك في لبسك تلقائيا ياإما حتى ترتقي لمستواك أو عشان ما تعرس.


ومثل ما يقولون الأمريكان " إت تيكس تو"



ذكرت سالفة طريفة و هي سالفة النجدية << أم علي>> اللي جتها جلطة عندما قال لها أبو علي ياعيوني بعد 40 سنه من الحياة الزوجية ماكانت تسمع فيها الا" ياهيش و يامره ".. و عندما سألوا أبو علي عن سبب التغيير المفاجئ ..أجاب :
بلاها والله بقرة ولا هل يعقل أني بعد 40 سنه أبي أقولها ياعيوني ؟؟ ماطرت علي ..بس ذا الخبلة أقول لها ياعيوني ذبحها اللقاح حق االنخل وهي اللي طارت بالعجة و حسبتني أنهبلت و بديت أقول لها يا عيوني ..الله ياخذ الروح قبل المكروه

ههههههههههههههههههههه
قوويه


منقول من الإيميل

[merci]

هههههههههههههههههههههههههههههههههههههههههههههههههه
مزديتن فيهم وأقل من مزديتن فيهم
جد وربي أنا مايحوم تسبدي إلا يجيتس واحدن الملح والزين بجهه
والأدب والذوق والأتيكيت بعد بجهه
ويتطلب ويتشرط يبي له ويبي له
لعنبو بليس أنت شفت خشتك..!
أنت شفت شكلك أخلاقك الله يحوم كبدك يوم تبي لك وحدتن تكشخ وتضبط وتزين لك..!
شووفي للـ أمانه موهوب كل الرجاجيل تسذا
لكن غالبية شبابنا السعودي كذا مع إن فيه تحسن ملحوووووووظ
أعجبتني نقطة لو أقولك حبيبي وطيت رجلي والله يا أنا مت ضحك عليها
قسسسسسم تحسينها تحتسي صدز عن رجاجيلنا
يعني شوووفي
صح إني حاقدة وشايلتن في قليبي هـ الكبر علىآ عيالنا
بس لاجينا الصدز مايملىآ عيني غيرهم
لكن موتك إنهم مسوين فيها وحنا أنتم ماتجوزون لنا ومدري وشو
هـ الشيء يسوي ردة فعل طبيعية لـ كل أنثىآ إنها تقول رح لعنتن تلعنك لا بارك الله فيك وفي من جابك من زينك ومن زين خشتك
الوكاد..,
لا أحد يطلب من أحد شيء وهو مايسويه
أما إنك تسدح لي وتبطح لي في سروال سنه وفنيله وتبيني أتكشخ لك وأتضبط
أسمح لي عزيزي أقولها لك
ضف وجهك وأندزلع
< ماودك تنقلعين بس أنتِ

[أحساس الورد]

ههههههههههههههههههههههههههههههه جنون كفت ووفت بعــــــــــــــــــــــدي والله ياجنون ..
بجد اعتبر هالشي قلة ادب يطلب ويتأمر واهو بجد لاتعليق
احس هالشي يعبر تقليل من احترامه وتقديره للمرأه ..

مشكوررره خيتووووعلى هيك نقل ..

دمتي بود ..

[أم الغالي]

هههههههههههههه

خجل .. من جد الوضع صعب ومتأزم ..

بس ما أقول إلا الله يهديهم .. وترانا يالنسوان حنا اللي وراهم وراهم .. وإلا كان شفتي أعظم من كذا ..

المفروض يعطونا حق الدروس الخصوصيه اللي نتعب وحنا نعلمهم إياهااا .. بس فيه ناس تنفع
معهم وناس لا ..

للأسف دائمآ تآخذهم العزه باالإثم .. يعني ماعندكـ أحد ..

حلوهـ والأحلى نقلكـ

[أميـ الورد ـرة]

ههههههههههههههههه
ما أزين من الموضوع إلا رد جنون
حرام نظلمهم والله في ناس جنتل و محترمة و شيك
و في ناس قابلة للتعدل مانختلف
بس حبيبي و قلبي في السوق ماتضبط مع خليجي بتاتا البتة
يعني اذا مرة صارت في مطعم و بصوت يكاد يكون غير مسموع
تفاءلوا تفاءلوا و تعيش البجاما السعودية