[poem=font="Traditional Arabic,6,black,bold,normal" bkcolor="transparent" bkimage="" border="double,4,black" type=2 line=0 align=center use=ex num="0,black"]
الرفيق اللي ليا غبت مايحمي قفاي= اجل لامن صرت حاضر ماني في حاجته
احتمي دوري ودور القبيله من وراي = جمدو هرج الفراغات ياهراجته
كانها بمصامخ الروس ولا باي باي =خلو الفلم المدبلج على دبلاجته
طول عمري ماستمع من ضعيف الراي راي= ولاطمعت بديك خيبر ولا دجاجته
العداوة شي عادي تجيني من عداي = من نسج نسج العداوات عرفت نساجته
وإن كلاني مخلب من مخاليب أصدقاي= قلت ضاعت صيدته في طرف عجاجته
وإن ثناها مرة ثانية جعله فداي = لافسق كلب الخواجة كلا خواجته
الارض ماهي ورث ابي والسماء ماهو سماي= مير الاعوج لاعترض لي عدلت عواجته
أفردة واذوقه لمستين من عصاي = وأدبة تأديب طفل على دراجته
لين ينسى عناد راسه ويذكر مستواي = ينتبه ولا يسوهج على سوهاجته
في نظرة الناس مالون واهوه هاي هاي = والمدوج مابعد فاق من دواجته
أبك أنا لو اشرب البحر مايقطع ظماي = وانت مثل الضب يزحف تحت عجاجته[/poem]
سلطان الهاجري
مواقع النشر (المفضلة)