سلام عليكم
أتمنى أن تعجبكم هالقصيده مثل ما اعجبتني..!!!
هذي القصيده للشاعر / عبدالله عبيان اليامي في حفل قبايل يام والامير مشعل
يا يام يا همدان يا ربعـي هلـي يايـام يـام
[poem=font="Simplified Arabic,4,darkblue,bold,normal" bkcolor="skyblue" bkimage="" border="solid,4,darkblue" type=1 line=0 align=center use=ex num="0,black"]
النور شعشع يا ديار المجـد وديـار السـلام=والتم شمل اهـل القلـوب العامـره بايمانهـا
المشهد ابلغ من حدود الوصف وسمان الكـلام=في بيت من حفظ العهود الماضيات وصانهـا
شيـخ ورد المكـارم والــولا وردالحـيـام=الصدق مبـدا والمبـادي ثابتـه مـا iiخانهـا
يا مرحبا يا سيـدي ترحيبـه تجـلا الغسـام=فـي ليلـه تباشـرت فـي جيتـك شيبانهـا
يامشعل ابن سعود ياللي في يدك حبل الزمـام=ياراعي البيـرق ليـا شـب الوغـي ميدانهـا
انت تلالا مثل نجم سهيل مـن فـوق الغمـام=يابـن الملـوك اللـي تشيـد بالوفابنيانـهـا
يوم المخافـه والديـار قفـار والدنيـا ظـلام=ما همهم ساقـوا الركايـب واشعلـوا نيرانهـا
عصبه هل العوجا ليا اهتز الصليب من العظام=سيوفهم تبـرق وصحيـات الظفـر عنوانهـا
يا يام يا همدان يا ربعـي هلـي يايـام يـام=اليا ارتفع صوت العـزاوي واشتبـك دخانهـا
يا مرخصين الروح دون الحـد يـوم الزحـام=يااهل المهار اللـي ينومسهـا فعـل فرسانهـا
قوموا وارفعوا البيضا لبو فيصل معزه واحترام=وقولوا له انه تـاج نجـران وسنـد سكانهـا
يا سيدي والعفو عنـد المقـدره طبـع الكـرام=اللـي رفـع ربـي منازلهـا وعـلا شانهـا
ننخاك باسم اللي اختنق بالدمع من قبل المنـام=عود فقد غالـي وفاضـت عبرتـه باحزانهـا
شوفه قصر ويجر صوته مثل نايحت الحمـام=قـام يتلفـت للجبـال اللـي بكـت وديانهـا
يصيح باسمك وانت مشعل مشعل اللي مايضام=القول قولـك والقضيـه فـي يديـك عنانهـا
يكيفك لامنه رفع كفيـه فـي البيـت الحـرام=من دعوته سبع السمـاوات اشرعـت بيبانهـا
يا سيدي ما فات مات نقولها فـي كـل عـام=حنـا معـك نرفـع مبانيهـا علـى عمدانهـا
ارفع حجاجك في نهار الضيق حنا لك حـزام=حنا لهـا لا شمـرت قـوم الـردي سيقانهـا
عيونا مواطـن سمـوك دوم ياعالـي المقـام=لا ذعذع البرد التحـف يـا سيـدي باجفانهـا [/poem]
صح لسانك ياعبدالله بن عبيان اليامي صح لسانك
مع تحــياتي
نـNـواف
مواقع النشر (المفضلة)