بسم الله الرحمن الرحيم
مساء/صباح الخيــــــــــــر
نزلت الموضوع مرة ثانيه لأني أحس فيه فائده:frown:
يعني تنبيه وتذكير بكبار السن وأفكارهم اللي غير أفكارنا،،،
وما أنسى أشكر اللي ردوا على النسخه الأولى ودعوا لجدتي ،،أشكرهم كل الشكـــــــــر...
قبل عدة أيام كنت ملزمة بالعناية بــ جدتي الغالية الله يطول بعمرها،،
من خلال جلستي معها صارت لي مواقف كثيرة خلتني أوقف عند كل موقف وأفكر بالإنسان وعمره وفكره،،
ياترا هل حنا نكبر ولا الزمان يكبر،،
يعني هل الإنسان كل ماتقدم بالعمر تتغير وجهة نظره وطريقة تفكيره ،،
أو إن الزمان يتغير ويتطور ويتجدد وحنا زي ماحنا مانتغير،،
مثلاً قالت لي جدتي الله يحفظها أضبط الساعه على موعد أذان الفجر،،
جتني اليوم اللي بعده قالت ليش ماقدمتيها شوي ماخليتيني أتسنن قبل الفجر،،
قلت آسفه والله ماكنت ادري انتي قلتِ اضبطيها على الآذان،،
قالت لا هيّــن ما قلت كذا،، :18ar:
طبعاً أنا سكت وقلت يمكن تكون ناسيه،،وضبطتها قبل الفجر بنص ساعه لليوم الثاني،،
قالت تعبتيني صليت وخلصت وهو ما أذن الظاهر إنك مصحيتني الساعه وحده
قلت لا والله gif22
قالت بنات هالأيام ما ينفعون سبحان الله.....
والمواقف كثيييييييييييره اللي صارت بينّــا،،
مثلاً علاجها تاخذه مرتين باليوم إذا جيت اعطيها في الليل تقول مايصلح خلاص آخذه مره باليوم على شان مايخلص بسرعه،، :wink:
أنا والله بيني وبينكم بعض الأحيان أوسوس أحس إنها تستهبل علي،،
وما في إيدي شي أسويه الا اني أقول إن شاء الله ولا يهمك تامرين أمر
والله مادري هو الزمن اللي يتغيّــر ولا الإنسان يتغيّـــر،،
يعني هل الإنسان يظل محتفظ بتفكيره البسيط والزمن يطلع التفكير الصعب للأجيال الجديدة،،
وبالتالي كل قديم يكون بسيط وكل جديد يكون صعب،،
وإذا الزمن يتغيّـــر مين اللي غيره هل الناس الكبار ولا الصغار...
والله مدري أحس الموضوع متشابك وأتمنى فهمتوا أفكاري وكلماتي...
هذا اللي عندي كنت أفكر فيه وكتبته لكم
تشكرااااااااااات
أزينكم
مواقع النشر (المفضلة)