اول وحنا صغار كنا دايم نقول متى اليوم اللي يجي ونكبر فيه ويطلع لنا شنب ودقن ونترزز عند الحلاق ونقول دقن بعد الشعر ونروح ونجي ونسافر ونفلها ولا احد يكلمنا واذا جاء الصبح من كل خميس او جمعه سرقنا مفاتيح سيارات اهلنا او واذا جينا نرجعها اما نغسلها او نعبيها بنزين بس النكبه اذا احد لبق في الملبق اللي السياره كانت واقفه فيه ....... وش بيصير ..... ؟ انواع التسطيييييييير ...... im1
وشوي شوي نكبر ونطلع بطاقة احوال ونصير بالمتوسطه ونتحجج بالمشوار انه بعيد نبي سياره اللي معهم سواق انواع الفله اذا جاء السواق ياخذه من المدرسه يركب السواق جنبه ويسوق اللين قبل البيت بعدين يرجع السواق يسوق وهذاك الوقت محلات البنشر متكسبين مننا انواع الحكات وعلى طول للبنشر زيت فرامل نمسح الحكه اكيد نمسحها خايفين من التسطيييييييييير ...... images9
ونخلص الثانويه ونشوف اخوانا الصغار يكبرون ويسوون حركاتنا ونكشفهم احيان واحيان هم يمشونها علينا ابونا الشديد كبر ماعاد فيه شد حنا كلينا التسطير من قبل ( وش رايكم نسطر اخوانا الصغار انتقام :188[1]: ) امزح لا تصدقون .
ويخلصون المتوسطه وحنا صرنا بمثابة الاخ والاب المصلح لهم والمسؤال عنهم ودك ترجع اصغرهم بس خلاص ما تقدر اذا سافرت ما تطول بسفرتك واذا سمرت مع خوياك تحاول ترجع بدري وشو شوي تقول ليتني ماصرت الكبير ..... !
مواقع النشر (المفضلة)