[align=center]يااللي تهوز الضلع بالقرن مسكيـن
مسكيـن والله غـرروك المساكيـن
وان كان تبغى الصدق والصدق منجاه
كلمتك لا تحسـب ولا توفـي الديـن
ترسل على الجـوال نكتـه قبيحـه
تقول المهايط سلم عنـد القحاطيـن
لاشك خذها اليوم من كـف صاحـب
واسمع علـوم مرجحيـن الموازيـن
حنـا عيـال العـود روس القبايـل
حنا هـل الطالـه كعـام المعاديـن
حنـا هـل النخـوه نهـار الملاقـى
نقبل على الهيجاء سواة الشياهيـن
حنا الحسب حنا النسب في الجزيـره
وان جات للسلطه ترانـا السلاطيـن
حنا العرب ساس العرب يـا مغفـل
تاريخنـا يعطيـك عنـا براهـيـن
يكفيك ( حسان بن ثابـت ) وكافـي
شاعـر نبـي الله ختـام النبيـيـن
قصيدتـه للحيـن تقـرا وتكـتـب
تخيـل ؟ مـن الجاهليـه لهلحـيـن
(نحن بنـو قحطـان هـوداً جدنـا)
واجدادنا الغـر الزحـول المياميـن
حنا قحطان ايـه قحطـان العريبـه
اهل الفعايل لا نعـى ناعـي البيـن
قصيرنـا ينعـم بنعـمـة ذرانــا
نقسم عشانا في رضى الجار قسمين
وخوينـا يبشـر بنـا فـي لزومـه
حنا على باديه في العسـر والليـن
ونسيبنا يفخـر بنـا ونفتخـر بـه
ولا نـدور فـي النسـب للمزاييـن
ورفيقنـا لـه فـي رفقنـا بنـايـد
اليا زهمنـا نجيـه مثـل المجابيـن
في جهلنا نجهل علـى كـل جاهـل
اميرنـا شيطـان وحنـا شياطـيـن
وفي حلمنا اثقل من جبـال رواسـي
اميرنـا رحمـان وحنـا رحامـيـن
فعولنـا فـي كـل ديـره عقـوبـه
انشد عن اللي شافها شوف بالعيـن
وقايـع منـهـا يشـيـب الغلـيـم
اهوالهـا باهـوال حطيـن وحنيـن
حفيفنـا لاصــد عـنـا مـواجـر
ولرضى مشايخنـا يقـرب قرابيـن
وعدونـا كـانـه نـوانـا بنـيـه
لاهازنا ندبل لـه الصـاع صاعيـن
وطليبنـا لـو كــان داره بعـيـده
ليالـي وصبـح عشـاءً لام تاجيـن
وشيوخنـا مقـدم شيـوخ العشايـر
لانوخت دعوى العرب بيـن صفيـن
منا المهادي وابـن هـادي وشالـح
ومنـا الشفاليـت الدهـاة الدناديـن
ومنا جمل وجـراب والذيـب فـراج
واللي خذا من القوم تسعه وتسعيـن
مسعود يـوم اشتـل عيلـة رفيقـه
وساق العوادي مثل سوق البعاريـن
وتكفيك قصـة ذيـب بيـن القبايـل
يوم احتمى الخلفات دون المغيريـن
هـذي فعايلنـا وبـاقـي وبـاقـي
لاقلـت لـك ثنتيـن باقـي ثمانيـن
فينا الوفاء والطيـب طبـع وجبلـه
وفينا الكرم والجـود دايـم مقيميـن
وفينا الفخر والعـز خصلـه عتيقـه
لها بوسط نفوسنـا سنيـن وسنيـن
يعرف عيال مضيم من ضـاع رايـه
ومن طيحه في نارنـا فالـه الشيـن
ويعرف عيال مضيـم مـن زل حـده
وصالـى حرايبنـا وعانـا الامريـن
ويشهد لنـا بأفعالنـا كـل عـارف
من البحر الاحمر لين عجمان والعين
يشهد لنا تركـي ومسلـط وفيصـل
ويشهد لنا عبيد العلي وابن حثليـن
حدودنا مـن حـد نجـران علـوى
لي حد ظلماء لبـرق الخيـل للريـن
نستاهـل النعـم وقلـيـل عليـنـا
حتى ولو يدبـل لنـا النعـم نعميـن
ولا على القبايل زود كـل لـه ايـده
في ذمتـي وافيـن وافيـن وافيـن
عوض بن شفلوت المناديه[/align]
مواقع النشر (المفضلة)