أنواع شباب السعودية والسحالي لا يضحكو الدور جااااييهم
أنواع شباب السعودية والسحالي لا يضحكو الدور جااااييهم
________________________________________
في البداية ....
السلام عليكم ورحمه الله وبركاته ..
اسأل الله العظيم أن يجعل أيامنا وأيامكم افراااااح وسعااااادة في الدنيا والآخره ..
ويا إخوان جميع المواضيع كلها لغرض الوناسه وزرع للابتسامه الغاليه على وجيهكم ....
وطبعاً جميعنا في هذه الدنيا سواسيه ولا فرق بيننا إلا بتقوى الله عزوجل ..
شباب مكة
معروفين بالمشاكل والمضاربات .. ومن شروط المضاربه لديهم أنه يكون لديك ساطور أو سكين ..
وياويلك اذا دخلت حارة وعملت مشكله مع اي واحد منهم .. صدقني وقتها راح ينزل لك
منتخب كامل زي منتخب نيجيريا.
بس للأمانة فهم شباب دمهم خفيف مبسوطين دائماً .. مايعترفو بكلمة مااقدر.. يعني لو قلت لاي واحد منهم هيا بنا نمرح ..
يقولك: "اوف كوررس" وفي رواية قدام
ويسمى الشاب منهم مكاوي وجمع المذكر السالم مكاويين
ومن العبارات الشائعة لديهم مثل ...
"ودين صلاة امي" .... "ياواد سيب الهيامه" ..
"استنا شويه " دحينا اهرجوووو"... مكة حقنا ...
ويا حبهم للفلسفه .. في كل شي عارفين .....وما فيه احد تسآله ويقولك ما اعرف
إهتمامات البعض منهم منصبه على كرة القدم مع انه ماادري فين يلعبوها ....
كل الدنيا عندهم جبال .. وايضاً الترفيع بدبابات ..
شباب الطائف
سهل التعرف عليهم بدون الحاجه إلى معامل مخبرية او تشريح .. راح تعرفهم من طريقة لبسهم للطاقيه ..
من شروط اختيار الطاقية المناسبة أن يكون إرتفاعها 150سنتيمتر وعرضها 5 سنتيمتر ..
لما تمشي بينهم تحس انك ماشي بين ناطحات سحاب مو بشر ويرتدون طواقي .
مشاء الله عليهم دائماً تجد فيهم النشاط والحيويه لدرجة انهم مايناموا في الليل
وعندهم منطقة مشهوره على نطاق دول الخليج الا وهي الحوية ...
ويتصف شباب الطائف بأنه البعض منهم عدواني.. واذا مثلاً صادف انه عينك جات في عينه ..
راح يتمدد صدره ويشمر عن ساعديه
ويقولك : خير!! ايش فيك تطالع ؟؟
احلام البعض منهم: التخرج من الثانوية العامة بتقدير جيد
ويشتري قراندي موديل 88 ويسدح خشمها بالارض وهاتك تلميع في الكفرات والصدام ..
بزيت فرامل ومن ثم التوجه الى منتزه الردف ويجب أن يكون بحوزته شريط لمزعل فرحان او فهد بن سعيد ..
نصيحة: إذا كنت مدرس في الطائف فخليك أخلاق واعطي درجات والا والله تنجلد في الصرفه
شباب جــدة
ذول عاد ماعليهم غبار منتشر بين البعض منهم الكذب بصورة كبيرة ومخيفه ..
حدثني احد الزملاء قائلاً اسكت يافلان امس رقمت خمسة بنات ورا بعض ..
ويجيد شباب جدة فن التعامل بلغة الأصابع و التخاطب بالإشارات وخاصةً عند إشارات المرور وترقيم البنااااات بالمعاريض
ومن الضروريات في حياتهم
لازم تكون مشبك بنات وتلعب بلوت والا راح تعتبر شاب متخلف وعقليتك لا تتواكب وتتماشى مع متطلبات العصر ..
وينتشر بينهم الخدم في كل بقعه في كل شبر في كل حفرة في كل شارع في كل شاليه ...
وفيه بعض الشباب حاط على صدره 10 كيلو سلاسل على باله راح يطلع صدام جيمس ..
وبعضهم يلبس اقمصه عليها شعارات واحرف غريبه وهوا والله مو داري ايش معناها...
وبعضهم مشيته زي امينيم ..
اما اهتماماتهم :
ـــ الفشخره الكذابه
– الطفش .. كل ما تجلس مع احد منهم قال طفشان ..
– تشجيع الاتحاد
– سرقة الايميلات
– مطاردة البنات اما ذي النقطة فهم مبدعين فيها....
عمى في شكلهم يشموا ريحة البنت في السواق من على بعد 40 كيلومتر
شباب بحره
كل الترفية .. كل الإثارة .. كل الأكشن .. كل الأسلحة لدى شباب بحره >>> طيب ياشوتايم
البعض منهم اذا طفش مره قام بعملية قنص لعيال الحارة بالرشاش ....
وإذا كان مزكم ومريض يتسلا مع اهله بالشوزن في البيت
ولاحظت في الاونة الاخيرة انحراف بدرجة 360 حسب مقياس (روح اختار)
في تصرف بعض الشباب اللي صاروا يستمعوا لاغاني مايكل .. "أبك ..
ياويلي علاااااك يا ميكل بن جكسون" ... الله يرحم ايام عيسى الاحسائي وحجاب
شباب المدينة
مدري ليه شايفين نفسهم .. يتكلم شويه وبعدين يقول انا من المديييييييييييييينة ......
على عيني وراسي من المدينة بس اعصابك
وعندهم قهوة مشهوره اسمها ابو .. والله نسيت .. المهم انها ابو حاجه لو ضربتك فيها لنسدحت صريعا
ولكن صدقني راح تحب المدينة بغض النظر عن شبابها لانها مدينة الرسول صلى الله عليه وسلم
شباب ينبع
بصراحه تخاف منهم .. فعندهم ثقافة شباب الطائف ومكة وجدة بالاضافة الى ثقافتهم الخاصة فيهم
فإذا كنت ماشي على رجلك في ينبع (ينبع كلها تلفها في خمسة دقائق) فراح تجد انه الكل يضرب لك بوري ويقولك هاه مشوار ...
شباب الرياض
رأس مالهم الشماغ والعقال .. دائماً لابسينها ..
مشاء الله عليهم مشخصين في كل وقت وفي كل مكان..
تجدهم مشخصين عند الأكل .. عند النوم .. عند الحلاق ..عند الاشارة... عند الشات ...
واصحاب مصانع الاشمغة مستغلين مدى تعلق الشباب بالاشمغه وحبهم لها.. وكل شهر نازل شكل جديد ..
مساكين الواحد ما يلحق يتهنى ويفرح بالشماغ اللي اشتراه
وعندهم قمة الترفيه والترويح عن النفس أنه يطلع القهوة مع اصحابه ويجلس يتفرج على الدش ..
والمكيف شغال وابن امه اللي يفتح فمه ..
انته قول السعوديه فازت ... وتعال شوف الجنان ... والا قم بتمرير عبايه مخصره من عندهم
اهتماماتهم .. مشاهدة افلام التفحيط ...... دخول الشات ثم كتابة عبارات غريبه زي: لؤؤؤؤؤؤؤؤؤؤؤل .....
انا ودي اعرف ماهو موقع الهمزة من الاعراب في الكلمة السابقة .. سؤال عليه درجتين ..؟
ومن الإهتمامات .... التسجيل في المنتديات بأسماء معبره
مثل: ضفدع مضيع نظارته ,, ضب اطخم ,, دولاب المطبخ
ومن أرقى الإهتمامات: الترقيم وتطفيش البنات و مطاردة الضبان وتعذيبها
شباب القصيم
بسهوله راح تجدهم وتتعرف عليهم من ملابس بعضهم .. قميص نوم وفوقه طاقيه ..
والمشكله يطلع فيها ويروح كل محل .. المسجد , السوق , الملاهي , الماسنجر
وفيه بعضهم مرررره ماتقدر تاخذ وتعطي معاهم شايفين انفسهم ..
ومره لاغين المنطقة الغربيه من قاموسهم... حجازي وجع فجعتن ..
امنية : ودي اتعلم اللهجة القصمنجيه ..؟
شباب الدمام
رهيبين وتحف في نفس الوقت.. بس كرهونا في مطعم الطازج كل مره وعازمينا فيه ..
ياشباب استحو غيرو المطعم وماعندهم سيره الا سوق الراشد ..
والله يستر على شارع الحنان اللي كله هنود و3 من الفلبين وواحد سعودي ....
اهتماماتهم
يجيد البعض منهم التحدث باللغة الروسية والاوكرانية والاشتراكية وجميع دول الاتحاد السوفيتي السابقة بطلاقة.
هذي والله اخرة التسدح في فنادق البحرين
انا مو ذابحني الا الحسد لشباب جدة .... بس ودي اعرف عليه ايش الحسد ....
على الغجر والا الكورنيش والا الزحمة والا الحفر بالشوارع والا الخدم اللي عندنا.
احنا المفروض نحسدكم على الهدوء على الكورنيش على المطار اللي عندكم.
المطار ما ودك الا تنام على ارضية الصالات ...
شباب الباحة
ونعم الشباب .. ولكن يلاحظ عليهم كثرة الحسد ..
"سعيد ظهر له كامري جديده وفيها بيجر ياحظه" ... يقصد جرس السرعة.....
واليوم الثاني المسكين سعيد يسوي حادث بالكامري ويصدم في بيته ..
ولا يعرفون كلمة ماشاء لله ولا مرت على قاموسهم..
شباب جيزان
ما من خبر ياقماعه ؟؟ يعني مدري كيف ابدا معاكم لكن دعوني احاول
مثلا تلاقي الواحد معاك اخر حلاوه وتطلع معاه وتتعشى معاه احلى عشوه ولا جيت عند النقطة الحساسة الا وهي الحساب تعال شوف الاعذار ..
الله نسيت المحفظه !! والله مابش صرف وخذ من الاعذار ..
شباب ابها
فهم من أكبر السفاحين في التاريخ ..
واللاته واللاته ان نذبحك اليوم ... يا حبهم للذبح . .ماخلوا شاه على حالها..بس هاذي تدل على كرامتهم
عدد سكانها اربعة انفار وفي الصيفية اربعة على يمينها اصفار .
أماكن التمشيات .. ابو خيال .. ابها الجديدة.. الاندلس ... وكلها تشوفها اذا انت واقف فوق مدرج الامارة..
وما يجي الساعة تسعة مساء الا وتسمع شخير اهلها ..
الفاظ الغزل : الله يطعني عليش . عساني اخذ بالاش . يا ويلي انا ...
ملاحظه
هذي مزوح تجي وتروح........ولا في كل مكان الطيب والشين
الزعل مرفوووووع ..
مواقع النشر (المفضلة)