السلام عليكم ورحمة الله وبركاته
اسعد الله اوقاتكم بكل خير
حبيت إن اضع لكم قصيدتي المتواضعه وهي اهداء الى الغاليه صمت البوح
وإن شالله تحوز على رضائكم جميعا ً..وانا ادري إني مقصر في بعض المشاركات والردود وان شالله ما يكون هذا الشي حاجز ما بين الاخوان
اليكم القصيده
[poem=font="Simplified Arabic,4,gray,bold,normal" bkcolor="transparent" bkimage="" border="double,4,gray" type=1 line=1 align=center use=sp num="0,black"]
انا ماني على كيفك على كيفك انا ماني=ولاني بصغر عّــيالك على كيفك تقودينــه
على كيفي انا ببقى انا ببقى لخــــــلاني=آميرٍ لو عدل يعدل ويرضي ماضي سنينه
مثل ماكنتي تبقيني بحزنك صرت انا الجاني=قتلت آلامـك وهمك واقول اللي تقولينـه
ولكن اسمعي نبض ٍ جرا في داخل آنساني=يّعبرلك عن الخافـي وعن اللي ماتشوفينـه
بغيتي حبي لك حبي وسكنتي بقلبي واعياني=ملكتيني انا كلي وغلا آمـي تباريــــنــه
انا الوافي انا الصادق انا المغرم بأزماني=انا اللي مارضيت اظلم ولا تهتي بعناوينه
انا العاشق انا المعشوق غريب وساكن اوطاني=انا اللي ماعرف يلعب على الحبلين من حينه
انا الغامض انا الواضح انا النادر بوجداني=انا اللي مارضى صوتك بـِآهاته يقول وينه
انا المجنون انا العاقل انا المرتاح والعاني=انا المغرور ومن حقي لآنك ماليـه عينـه
انا الشاعر انا الفارس انا المبدع بميداني=انا اللي ماعرف يغدر ولو كثرت سكاكيـنه
انا المآسور في قلبك وانا السجان لـ شجاني=انا لو لي عمر ثاني بعد ربي تـّحكميـنه
انا الميت على وصلك بلا تآبوت واكفاني=انا اللي يــّقلب الدنيا اذا جـيـتي تـّنـخـيـنه
انا لو املك الدنيا وكل الكون يفدانــي=بتواضع آهجـر العالــم واقول وحدك تـكفيـنه
انا رجل ٍ اذا حبيت قليــله حبي لـ خواني=تآكد حبك بقلبــه بعد حبــه لـ والدينه
انا اللي لا عشق يوفي على دينك وآدياني=انا اللي ما عرف يرجع ولو للموت تبغينه
انا ماهمني عاذل..خسى ما يلوي إيماني=حشى ماني ولد وايل اذا إهتزت موازينه
حشى والفين ياقلبي حشى ما يضحك الداني=مدامك في نظر عيني له الله يالله إتعينه
الا يا فرحتي هلي ولو قصر بك الساني=الا ياروحي لك موتك وربي لو تخـونيـنه
مدامه الطاهر الصادق ابقفل بعده بيباني=ومدامه الوافي الصاين ياويلــك لو تخلينه
ومدامه دنيتي واهلي وصدق احساسه ناداني=طلبتك آفضحيه للكل الين إنك تبكيــنه
ابفخر رافع ٍ راسي وإبكسر قلبِ عدواني=ياروحي ارفعــي صوتك (وقول إنك)تحبينه
الا ياحبي الاول ولا بعدك ابد ثاني=الا ياخلي لا تحزن ولو كنتي لــه سنينه
انا ماإتبعك في آمرك ولاغني لآحزاني=كفايه قلبي الوافي من الاشواق تكويـــنه
تبيني آمشي إبكيفك تبيني إغمض اجفاني=ياعمري كثرت اطماعك وزادت بي قوانينه
ياعمري افهمي إنك وحيده بقلبي وإعياني=ومن مثلي ترى صعب ٍ وصعب إنك تقودينه
على كيفي على كيفي بترجم حبي لـ كواني=وانا يمناي ما تنكف عن اللي مدلي يدينه
وانا ماني على كيفك وعلى كيفك انا ماني=ولاني بصغر إعيالك على كيفك توديـــنه[/poem]
واكملهاا بأبيات بسيطه
[poem=font="Simplified Arabic,4,gray,bold,normal" bkcolor="transparent" bkimage="" border="double,4,gray" type=1 line=1 align=center use=sp num="0,black"]
حبيبي عطني حزنك لا إتضايق=مدام شمس الفرح تنوي المغيبي
حبيبي فدوتك كل الخلايــــق= وفداك العمر يا عمري ونصيبـي
انا لو اسمع إنك منت رايق=يضيق الكون في وجهي حبــيبي
يا كيف القلب يشكي لي وضايق= وانا اللي دايم ٍ جنبك قريبي
[/poem]
وسلامت عيون من تابع .. واعذروني على الاطاله ..واخص بالرد على لحـن المشاعر بخصوص الاخطاء الاملائيه إنه لا يدقق ههههههههههه
تحياتي لكم اخوكم العنزي
مواقع النشر (المفضلة)