وش رايك احلل شخصيتك
اخواتى اخوانى بعد التحيه والاحترام
سوف اسرد لكم قصه قصيرة تتكون من خمس شخصيات ومن ثم يقوم العضو الذي يرغب في تحليل شخصيته بترتيب الشخصياتابتدء من الاكثر ظلما ومن ثم الاقل ومن ثم الاقل حتى اخر واحد ولو انه مقتنع انه ليس بظالم ولو بنسبه بسيطه( باب الاسئله مفتوح بخصوص الجزئية الاخيرة)
القصه ::
تزوج رجل بإمراه بعد قصه حب عنيفه وكانو في غنى فاحش ولكن الدائم وجه الله ذو الجلال والاكرام (سبحانه وتعالي) تحول الثراء الى فقر وتورط الرجال (بلهجتنا صكتت به الدنيا ) فقام باللجوء الى اصدقاء الثراء فلم يلتفت له احد وبحث من هنا وهناك ولكن وجد نفس الاجابه ( ظف وجهك)..
المشكله انه لا يستطيع العمل في نفس البلد ( البرستيج ما يسمح) قام وتعاهد هو وزوجته كل على محبه الاخر والاخلاص له وان لا تبحث عنه ابدا حتى يرجع لها (سالم غانم) المهم ومالكم بطوله الحكي وافقت . فقام واكد لها على الشرط الاخير وقال ما تدورينى ابد ولو تعضين الارض من الفقر.
سافر وبقيت هى مرت ايام وشهور وسنين والرجل لا حس ولا خبر والحرمة ضاق صدرها على رجلها وتعبت من طول ليالي الفقروجورها .
فكرت كثير في الموضوع وقالت ليش ما اروح استشير شيخ يمكن يلقى لي حل ، راحت للشيخ وقالت له الموضوع (من اول هام الى اخر هام ) قال الشيخ بلهجتهم لا ارى بأس يا ختى من ذهابك للبحث عن بعلك ( ماشالله عليهم لما يطق البشت تتسكر عليه جميع الجهات ولا يلقي الا اللغه العربيه فيقوم تأديبها تأديبا يحبه قلبك ) المسيكينه ما صدقت وعلى طول بدات رحله البحث عن بعلها على كلام ابو الشباب.
سألت هنا وهناك وعرفت ان زوجها موجود في جزيره قريبه . اها .. الحين عشان تروج لازم تركب السفينه والسفينه تبي فلوس .
قالت اروح يمكن القى ناس كويسيين راحت لقت القبطان وقالت له على الموضوع قال ما يصير لازم تدفعين حق التكت قالت يا قبطان انا ما عندى الا فستانى تبيه عطيته لك قال اوكي جيبيه ( شكله يهودي) . ركبت معه ومير وهم بنص البحر الا ويهجم عليهم ذاك القرصان وينهب السفينه ( كل شي خشب وبشر) وكان من ضمنهم البنيه المزيونه شافها ( تقاطرت سعابيله – حبيت اوضح ان الرجل دائما يصور كذئب يريد ان ينقض على فريسته وهذل غلط و 60 غلط - ( طبعا هذا تفكيري) قام واغتصبها .
كما هو معروف ان القرصان موب فاضى للعالم ذي يشيلها معه كل شوي بسفينته قام وسحتهم في اقرب جزيرة( قام بانزالهم من السفينه بطريقه تقشعر منها الابدان – ما فيه الا ذب من فوق) ومن محاسن الصدف طلعت الجزيرة جزيرة الماخوذ ( بلغه قاطني اعالي نجد) المهم هى ما صدقت ومن النقمه(اول ما باح الضؤ) انطلقت للسوق بتدور زوجها ومن شافته وماتشوف الا غبرتها ( طبعا باتجاها وليس كما هو المعتاد في الاتجاه المعاكس) ؟؟
شافها؟؟؟
دم
دم
دوو
دي
(الميوزك شغال)
ددد
دم دم
دمم
تدرون وش سوى ..
طقها وطلقها....
القصه كما هو مشاهد من النص فيها خمس شخصيات ارجو منكم ترتبها بشكل تنازلي من اعلى الهرم (الاكثر ظلما ) الى اسفله (الاقل ظلما)
الشخصيات يتم طرحها بشكل موجز على العام اذا رغبتو اما تفصيلا فستكون على الخاص وشكرا
علميا القصه مجربه واثبتت نجاح كبير
مواقع النشر (المفضلة)