السلام عليكم
لأ احد اشوفه راد قبل مايرد السلام im3
صباح الخير ومساء النور كيف الحال والله يا اني مشتاق لنت من زمان:12ar:
بتكلم عن معانات حيران خلال الـ5 الايام الماضيه باللغه الفارسيه im3
ترا انا ناوي انزل موضوع قبل اسبوع او اسبوعين هنا لكن مافضيت كنت مشغول في الاستلامات
والملعنه قلت خلها لين افضى ويجي خويي انزل الموضوع وانا رايق الوكاد انه ماجاء على حسب
التوقيت المحلي بمدينة الرياض لأن صار عنده وفاة ولد خاله قلت يارجال يجلس مكاني بعدين
المهم ماعلينا من هذا كله
نرجع للموضوع
معاناتي في الايام اللي راحت
اول شي العج اللي جاء الرياض الجو اعوذ بالله غبار مايفصل يكتم الناس الحساسه
اللي متعوده على الجو اللطيف im3 المهم
قبل خمس ايام الحاير الشباب اللي امون عليهم كلهم النت عندهم خرب المهم انا قلت
يمكن هم عشان اشتراكهم شامل واعرفه خايس كل شوي يفصل ثم حولت شحن انا تعطل عندي بعد قلت انا اكيد ان البطاقه انتهت واروح واشتري لي بطاقة شحن سيبيريا :12ar:
واشحن لكن للآسف ما اشتغل واتصل على سيبيريا ياولد النت عندي مايشتغل
قال عطني اليوزر نيم حق البطاقه القديمه قلت ياخوي انت قديم وين القاها لك مدري وينها
انا توني شحنت الحين بطاقه جديده مدري القديمه انتهت ولا لا بعد المهم قال عندك كل شي
سليم المشكله من عند الانفصالات السعوديه {فيس معصب} واتصل على الاتصالات
وعشر دقايق عشان يردون قلت ياخوي ماشاء الله عليكم إذا اخذتو فلوسنا ماتردون علينا بسرعه تسحبون علينا وإذا ماسددنا نشبتو في حلوقنا كل دقيقه رسايل سدد ولا قطعنا تلفوناتك كلها
قلت اما ضبطو انفسكم ولا ضبطناكم المهم قال لاتعصب ياخوي قلت ياخوي
النت عندنا بالسعوديه افشل اتصال في العالم كله مصر وهي مصر الطلق منا بلاش وانتم
بس جيدين في الفلوس تاخذون ولا تعطون المهم قال ماطلعت معه بنتيجه
قال رقمك 0 5 0 0 0 ؟ ؟ 0 5 0 والباقي ماتغير قلت ايه قال خلاص بنشوف الفني يطلع لك ان شاء الله خلال 24 ساعه ولا صار شي واتصل اليوم الثاني قلت ياخي انتم تصرفوني
ماجاء ولا اتصل الفني قال انتظر بيطلع ان شاء الله خلال هاليوم المهم طلعت لأستراحه
مع اني ما احب الاستراحات ان رحت لها الغرفه إذا دخلتها كأنك في ضباب من الدخان
ماتطفي زقايرهم الله لايبارك في هالدخان وفي من ورده im3 وجلست اسولف مع واحدن من العيال بعد ماسرو الشباب لبيوتهم شوي يوم جت الساعه 3 بتوقيت الرياض ويطفي الكهرب علينا انا خفت قلت لا مستحيل امبيه ابي امي ابي ابوي بغيت اقول ابي زوجتي بس للآسف ماتزوجت
المهم جوالي في نور شغلناه وطلعنا في الحوش في الثيل وسوالف قال ظنك ان الكهرب
طافي على الحاير كله المهم طلعنا برا اطالع يمين يسار فوق تحت ماتشوف شي
مافيه إلا شركة وردة الصالحيه عندهم مكاين شغال الكهرب عندهم والحاير مرمد طافي
قلت الله يعين اللي يبي ينام الجو رايح وطي والكهرب طافي كيف ينامون في الحر مع هالجو
قال ياويلي انا كيف انام خويي قلت انا والله ماعلي بتكي معك شوي وبروح لأخوياي انام عندهم
في العمل انا عندي استلام والحمد لله عندهم مكاين كهرب يعني لو يطفي الرياض مافيه
آمل الموقع هذا يطفي قال ياحظك بروح معك قلت ابوي مافيه امل يدخل ماهوب عاد انت
المهم جلست سوالف لين الساعه 6 الصبح ثم طلعت انا من الاستراحه ورحت لبست وطلعت
عندي استلام نمت قمت الظهر تغديت رجعت سحبتها نومه قمت العصر جلست شوي ثم
قلت لريس الفرقه انا بطلع عيال عمي جايين وبرجع على العشا رحت للبيت
يوم جيت لقيت النت مازان المجلس مايتشغل إلا مكيف واحد إذا شغلت الثاني ضعف الكهرب
جتني امي قالت انت شفت الكهرب امس جانا هجاد مانمنا الكهرب طافي لين الظهر
قلت انا شبعت نوم المهم جلست لين العشى وطلعت رجعت للمركز {العمل}
سهرنا على الدش لين الفجر صليت سحبتها نومه قمت 9 الصبح طلعت للبيت
يوم جيت لقيت اهلي كلهم متقاطين في مكيف واحد يعني البيت مايتشغل فيه مكيفين الكهرب ضعيف
النت مفصول لليوم الخامس واللي زاد الطين بله الماء مقطوع
المشكله ان الدينمو خربان له اكثر من شهر لكن مافضيت اصلحه وديته للكهربائي ولا صلحه
الكلب لين الحين << يهودي يعني عادي اسبه
فيه قطعه مالقاها يقول مالقيت الشركه وينها حقت الدينمو وانا مارحت ادورها
والمشكله اني ودي اتسبح الليله معزومين على زواج انا عادي لو اغطس في الخزان الارض واطلع
بس البلا من الحريم ههههههههاي والله يا انهم قعدوبها
وجارنا حاط غدى العرس في البيت والعشى في قصر افراح يعني الغدى بيقعدبها
الكهرب ضعيف والماء مقطوع بس هو الدينمو عندهم شغال
وتعبان ودي انام الحين لكن وش اسوي الحين
انا بنزل موضوع ثاني لكن إذا فضيت
وهذي هي معاناتي خلال الايام هذي وزياده على كذا
مزكوم لي يومين من اول ماانقطع الكهرب من الجو اللي رايح وطي
ولا رحت اخذ لي شي من الصيدليه شكلي بسوي مثل توقيع ام صقر im3
وبس
مواقع النشر (المفضلة)