خلصت الإختبارات وجت الإجازه
مبروك للطلبه والطالبات العطله ولو إنها متأخره
ما أقول إلا يازين ذيك الأيام قصدي أيام الإختبارات بتنجلد
والله أنواع الفله مكيفه على النت والبيت هدوء كلن بغرفته
موضوعي هذا عن يوميات طالب اسمه النمر ..
النمر العضو اللي معنا في سفاره الشوق ..
واللي ما يعرفه الأغلبيه عنه .. يقال بأنه الأخ الشقيق لعالية الصيت
وبيني وبينكم أشك في هالمعلومه
هو أخوي صح ما قلنا شيء بس سالفه إنه شقيق ذي ما أصدقها
أشك إنه من أم (ن) ثانيه تحمل الجنسيه النيجيريه أو الكاميرونيه
والدليل إنه يشجع الإتحاد
وبما إن النمر أخوي وهو في ثالث ثانوي وأنا داجه ومخلصه دراسه
ابتلشت فيه أيام الاختبارات
تخبرون يقولون وراء كل رجل عظيم أخت عظيمه اسمها عاليه خخخخخخخ ..
ويقولون بعد الأخو وقت الضيق
وقفت معه وقفة رجال قصدي حريم
كان إذا جا بيذاكر ركضت له بكأس عصير البردقان الطازج تأثير المسلسلات
وإذا جاني يقول جايع أبي شيء أكله
أقوله شف الخبز والجبن في المطبخ
وإذا قال لي عاليه متى نقول ثلاثون ومتى نقول ثلاثين
قلت وش قالوا لك سيبويه افتح كتاب النحو صفحة 25 وتلقى الجواب
وإذا قال صحيني الساعه 2 الليل قلت الجوال جنبك وقته على اللي تبي
مهيب نذله أبد
طبعن الأخ ينام طول اليوم ويصحى على المغرب وتطلع مواهبه تالي الليل ههههههههههه
المهم في يوم الأثنين تقريبا كان على أخونا المصون اختبار عنقليزي ..
يوم صحى من النوم توه ماسك الكتاب بيذاكر وينقطع الكهربا على حيّنا كله
والله يا هي فله يا عالم تصدقون إني جلست ليله كامله على الشموع بتعلمكم إنها رومنسيه
المهم نرجع للطالب المتفوق كثري منها
النمر على باله السالفه مهيب مطوله ... وجلس ساعه ساعتين يوم شاف الدعوه فيها
ساعات وليالي ..
مسك كتابه وجلس عند لمبه حاطينها احتياط إذا انقطعت الكهربا
وهاللمبه متجمعه عليها العائله المصونه بكبرها كل واحد بكتابه خخخخخخخخخ والله يا أشكالهم تموت ضحك اللهم لا شماته
وأنا ماسكة لي شمعه يقالي رومنسيه وجالسه أغني سهرتنا الليله خلوها صباحي أمحق رومنسيه
ومرتن أغني نمروه سرى ليله هل الدمع من عينه ههههههههه
ذاكر له كم كلمه على ضوء اللمبه لين خلص شحنها وطفت ثمن مسك كتابه وعفشه اللي تقول كنه عفش مطلقه
ذكرني بالمشردين ههههههههه
وطلع للحوش يذاكر على لمبه شبكها الوالد على بطاريه السيارة ...
نفسيته كانت زفت أجل يقول لي أنقلعي عن وجهي لا أشوتك
مقدره هالوضع وربي رحمته لدرجه إني أنا عاليه بكامل قواي العقليه
جيت لمه وقلت له تبي شيء أساعدك في شيء وجبت له ميرندا قسم بالله هههههههههههه
المهم إن الوضع استمر لين أشرقت الشمس ... وربي معاناه ..
بصراحه شركه الكهربا لا مباليه وما تقدر
الحين هي ما تدري إن فيه عالم عندها
مسلسل متابعته ويفوتها خخخخخخخخخخ علشان كذا النمر قال بشوتك
بس والله يا هو مسلسل في أبو ظبي مهوب صاحي
فوايد من الموضوع :
* قطع الكهربا زاد من قلق الاختبارات عند الطلاب لدرجة إن جيراننا راحوا لشقق مفروشه
طبعن حنا ما توقعنا إنها بتطول كان سوينا مثلهم على الأقل ما تفوتني المسلسل خخخخخخخ
* النمر إن جبت فوق 92 فأنت أخوي وتراك ما جبتها إلا بتوفيق الله ثم بوقفتي معك
وإن جبت اقل فتراني منيب أختك ولا أعرفك هههههههه
وتراك قايل لي أسبوعين بتنفذ لي فيها اللي أبي نظرا لجهودي السابقه معك في اختباراتك
لا تقول بدت تمن أطالب بأبسط حقوقي ههههههههه
مواقع النشر (المفضلة)