الأنتماء هو الفخر-- والقبيله هي الشموخ ليكون الأنتماء
مغروسآ في الذات-- قبيلتي تاج فخر وعز لي بدون قصور
في جميع القبائل-- لاتمييز ولا تحزب ولكنها فطره انسانيه
ونزولآ عند رغبة العديد من بني عمومتي من تميم الفخر
والعز-- اضع فيض من مشاعري ولن تفي تميم معلقات
الشعر فهي منبع العراقة والمجد--
علها تجد القبول--
((عزوتي بني تميم اهل السيوف الصقيله))
[poem=font="Simplified Arabic,7,white,bold,normal" bkcolor="transparent" bkimage="backgrounds/21.gif" border="none,4,gray" type=2 line=0 align=center use=ex num="0,black"]
ياناشدٍ عني انا من قبيله = فيها الكرم والمرجله والشكاله
وابوي شيخٍ مايخلي دخيله = ياما عطى الملهوف من حر ماله
انا تميميه ولاني قليله = هلي هل الوقفات واهل الجماله
اهل الركايب والخيول الاصيله = عاداتهم معروفةٍ بالاصاله
بني تميم اهل السيوف الصقيله = واهل الوفا والطيب في كل حاله
حنا خذينا الطيب والمستحيله = تاريخنا فيه العبر لامحاله
صلنا وجلنا فالسنين الطويله = وسيوفنا للمعتدي دوم عاله
اليا خذينا كود ناخذ جزيله = وليا عطينا ماطلبنا كفاله
وجودنا من قبل عهد الجليله = منذ العصور الاوله والجهاله
ماهي حكاوي الف ليله وليله = اعلومنا تشهد وكافي دلاله
واليوم حنا بمملكتنا مخيله = شعب السعوديه يعيش بسهاله
في ظل اخو نوره ترانا قبيله = والله يديم اللي حكم بالعداله [/poem]
[align=center]
الحوراء بنت نجد - الرياض- 8\10\1428[/align]
مواقع النشر (المفضلة)