ملامح من سهر !!

**AL3ze** · 23-12-2009, 03:07 AM

اخر النبض :24ar:
/
خل السهر لي امانه وانـت روح ارقـد
حرام عينـك يـروح الليـل سهرانـه
ترى السهر ما انخلق لك يانحيـل القـد
ولا انخلق لك عذاب الوقـت واحزانـه
والا انـا لا يهمـك شوفنـي وش قـد
ملامحي مـن سهـر هالليـل رويانـه
اخذت من ضيقتـي والهـم لـي مرقـد
واغطاي من ضيقتـك واحـلام ذبلانـة
صار احتوائي وثوبه فـي عنـاي انقـد
ودفـاه ميـت وصـار البـرد دفانـه
من قسوة البـرد يتـم جمـره الموقـد
ومن قسوة البرد فيـه الشمس بردانـه
يضمني لـين افضفض " عايف المرقـد "
واضم صوتك " وافضفض له من الحانه
خلاص يالله دخيـلك قـوم روح ارقـد
حرام عينـك يطـل الصبـح سهرانـه
/

نبض / عبدالعزيز الأسلمي :25ar:

**ذكريآت الأمس** · 23-12-2009, 03:46 AM

سبحان الإله ..
قبل بضع لحظات ..
وقعت أعيني حين تصفحي على تلك الأبيات ..
حينها و بكل صدق .. أعجبتني بدفء احساسها و عذوبة حروفها .

فـ شاء الرحمن الآن .. أن أقرأها من نبض مولدها :)

الشاعر / عبدالعزيز الأسلمي ..~
صح لسانك .. و سلم حرف بنانك
أنرت الزين بـ قصيدك .

خلاص يالله دخيـلك قـوم روح ارقـد
حرام عينـك يطـل الصبـح سهرانـه
^
أبدعت .

**ظميان غدير** · 23-12-2009, 04:12 AM

عبدالعزيز الاسلمي
قصيدة جزلة وتضج بالشاعرية
هذه اجمل ابيات القصيدة لما بها من صور وجدانية رائعة

ملامحي مـن سهـر هالليـل رويانـه
اخذت من ضيقتـي والهـم لـي مرقـد
واغطاي من ضيقتـك واحـلام ذبلانـة
صار احتوائي وثوبه فـي عنـاي انقـد
ودفـاه ميـت وصـار البـرد دفانـه
من قسوة البـرد يتـم جمـره الموقـد
ومن قسوة البرد فيـه الشمس بردانـه
صح لسانك
تحيتي
ظميان غدير

**حيران في عالم النسيان** · 23-12-2009, 06:43 AM

عبد العزيز

صح لسانك يالغالي وبيض الله وجهك

على هذي الابيات

تحيتي

حيران

**خَيَاليّه** · 23-12-2009, 09:50 AM

مَا شَاءَ الله
صَحْ كُلَكْ أَخيّ الَأسلَمَيّ
بَوحٌ يَضجٌ بِ الجَمَالِ وَ الِإبدَاعْ
إِحتِرَامِيّ

الموضوع: ملامح من سهر !!

أدوات الموضوع

عرض