[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مدري ليه البارحه كنتي حزينـه=و طرالك من زمان العمرطاري
ليه خان البحر فشراع السفينـه=ليه ضاق الصدر من كثر الطواري
وش بلاك الليل دايـم تسهرينـه=بسهر الليله معك وأشـب نـاري
وكل سر عن عيونـي تسترينـة=تفضحة عينك ولو كانت تـداري
سولفيلي واطلبـي شلـي تبينـة=بسمعك لصبح لقدوم العصـاري
اضحكي قلبي تعـب لا تشغلينـة=لا يخون الوقت ساعات انتظـاري
عاشقك يشتاقلك وانتـي بيدينـه=كيف لو يبعد مسارك عن مساري
ينتفض جسمي غلا ساعه تجينه=تبرد اعظامي وانا فعز الظهـاري
من قبل يومين والاحـوال زينـه=اجمل الضحكات عدت بيت جاري
ليه تطفيـن الغـرام وتشعلينـه=ليه ماهمك في هاللحظه دمـاري
ليه يبرى الجرح ساعه تلمسينـه=ليه إلا غبتي يضيق اجـدار داري
وش بلاي اليوم كل أخطاي شينه=يولد الحلم ويموت الحلم عـاري
لعنبـو حـظ تخاطفنـي يديـنـه=لعنبو جرح تمـادى بانكسـاري
هي متى تظهر منـارات المدينـه=هو متى يشرق على الدنيا نهاري[/poem]
[align=center]
للشاعر سعد الشعلاني
وان شالله تعجبكمـ$222[/align]
مواقع النشر (المفضلة)