[align=center]بسم الله الرحمن الرحيم...........
مساء الورد...والجوري.......
بصراحه انا من المعجبات بالشاعرة عابرة سبيل...وقصادئدهاا...جميعا...
واليوم جايبة لكم قصيدة احبها جداً بعنوان (هيّا تغزل)....اخليكم مع القصيدة....
كل ما اتصل فيك.. صبح وليل تشكي لي
من عوج الاوضاع والدنيا ومتاعبـــها
مليت يا صاحبي مابيك تحكي لي
هالأسطوانه أنا مليـت مطـــربها
حتى خيالك بتـال الليل ياتي لي
جروح وعيون معقوده حــواجبها
عيشتني بعالم ماهو على جيلي
زهرة شبابي حرام انك تخربها
ياما هجرتك ولا كملّت ترحيلي
حبايب ماتعبر عن حبايبها
حبيبتك ما تحمــّل هالبهاذيلي
إضحك معاها ولاطفها ولاعبها
هيّا تغزل وغن وزيد تدليلي
البنت ياحبها للي يداعبها
قلي وش رايك بفستاني ومنديلي؟
الوانهن تعجبك .. أو مانت راغبها؟
وقلي وش رايك بعقدي مع خلاخيلي؟
وشف قذلتي يوم قصينا ذوايبها
وقلي وش رايك بأطباعي وأقاويلي
لاحظ عليها وغيّـرها وشطّبها
خل بيننا انقاش وعلوم وتعاليلي
وآمر على البنت وان حبيت طالبها
يامدمن الهم كافي دمع بالليلي
بكره تشبع من الدنيا ومصايبها
دنياك والله .. ماتسوى التزاعيلي
حتى ولاهيب كفو الي يعاتبها
الشاعرة الرائعه // عابرة سبيل رحمها الله...[/align]
مواقع النشر (المفضلة)