سوالف أم صقر
في يوم من الايام في حصة التاريخ كانت تسولف معي سوسو خويتي..
تحكيلي عن معاناتها الاسبوعيه كل خميس..
كنت اببكي وحمدت الله على عيشتنا..
انتي تعرفين ياام صقر اني انا اصغر خواتي الست :tongue:
وكلهم متزوجات وكل وحده عندها مجموعه حلوة من أحباب الله :35ar:
يوم الخميس من كل اسبوع اعتبره انا يوم العذاب الاسبوعي... لان خواتي يزوروني في هاليوم..
ويكون مجموع الاطفال تقريبا امممممممممممم أأأأأأأأأأأأأأممممم عبودي خال عب فه
-هيه انتي وش تسوين؟
-لحظه لحظه... ... ... ... ... ... ايه فييييييييييييصل..قاعده اعدهم
يعني حوالي ياطويلة العمر24 طفل :1ar:
وكلهم في الابتدائي واقل.. :38ar: :34ar:
تخيلي انه عندك فصل كامل في بيتكم...
-تفألي خير الله يسلمك.. وبعدين ذا موب فصل ذا فريق البرازيل :51ar:
طبعا قبل ماتجي الكتائب...اقوم اقفل غرفتي وغرفة اهلي..
-عللي ياسوسو؟
-لوجود خبرات سابقه في تدمير كل مرفقات الغرفة والمكياج.
وكم مره لقيت عبودي :39ar: لابس اكسسواراتي..
ومعه حمودي :28ar: يفحط بالكعب الجديد..
واما فيصل فحدث ولاحرج..بيكاتشو تلوين وجوه :33ar: ..يحليله دايم يرسم وجه ويتفنن في رسم وجوه الباقين.. طبعا بمكياجي الخاص.
عشان كذه صرت اقفل الغرف بالمفتاح ولو يحصل كان بلعته!!!!!!!
بعدين ارفع كل التحف والسجاد الفاخر(فقط لاغير).
ولاتهون ادوات الخياطه وبالذات المقص....لانه يترتب على وجوده عمليات تصفيف شعر خياليه(حسبالهم كوافير لجمالك).
وكم مره "كفشتهم"بعظهم بدون قصه(قذلة)وشي بدون جوانب... وشي قرن موجود والثاني مقصوص!!! ويالهوي عالارض والموكيت....
أما عند وصول الجيش العرمرم
فالبرنامج كالتالي
7
7
7
7
7
7
7
7
7
7
يدخلون خواتي للصاله ويسلمون :45ar: وتبدأ السوالف :14ar: :55ar: :7ar: :57ar: واذا جات القهوة عاد يبدون حش بهالخليقه...(يعتبرونها حلا القهوة)
وشوي شوي يندمجون كليا في السوالف لدرجة انهم مايحسون بفريق الكورة اللي حولهم images12 .....
في هاللحظه بالذات سألتها.... سوسو وانتي وش شعورك؟
أم صقر...
أحس اني ماشيه على اوادم!!!! شي يحبي وشي توه بدا يمشي ...
ومجموعه ثانيه تخصص رسم عالجدران اللي قامت تشتكي منهم...
وبعضهم مطارحات شعريه سبيه مع عيال الجيران...
والباقي متفرج عند باب الشارع..(شكلهم ناويين حرش).
.....................بعد الغداء....................
بعد الغداء بساعه وحده بس .. ويمكن اقل..
يبدأ الهجوم المسلح عالمطبخ(حشا تقولون جراد)...
مايبقى في الثلاجه شي الا وقضوا عليه!!
حتى الشابوره والخبز والخضروات تختفي..فص ملح وذاب..
-طيب انتي ماتخافين على نفسك؟
-من شنو؟ :50ar:
-لاياكلونك في يوم من الايام؟
- :62ar:
عشان كذه كل جمعه موعدنا مع السوق عشان نعبي الثلاجه...
أما المعارك الجانبيه...فحدث ولا حرج..
البنات"وماادراك ماالبنات" يتماعطون بالشوش!!!!
وابن أمه اللي يتدخل... :56ar:
والأولاد بالجزم واحيانا توصل المسألة للملاعق والشوك...
وأخواتي.. ولاكن عندك أحدماخذين الامور ببساااااااااااااااااطه
.."اذا جاء ولدها يشتكيلها"....................خذ حقك بيدك وانا امك ياوليدي...
وأخيرا ينتهي الدوام الساعه12 الليل..ويتوجه كل فريق لبيته" سالم غانم"...(هذا في حارتنا ساكن).
اماعن حالي انا وامي بعد هالغمه..
1/الصوت مبحوح من الصراخ
2/البيت منثور والمساند في كل زاوية
3/الزرع الطبيعي والورد محلوق(مثل ماقلت جراد).
وقبل النوم أخذ باكيت بندول لتخفيف الصداع(يعنني باكيت سجاير).
ومن بكره نبدأ نجمع اللي انترك بعد الغزوة...ملابس..جزم(وانتوا بكرامه)..رضاعات...الخ
ونحطها بكيس اسود كبير من حق الزباله(الله يكرمنا).. ونعرضها الخميس اللي بعده..
الناس يفرحون نهاية الاسبوع وانا احزن(تكسر الخاطر هالضعيفه).
عندك حل ياأم صقر؟؟؟
-أفاااااااا...الحل عندي وانا ام هندي..
عطيهم اكتفيد وعقبه لبن خاثر وسدحيهم بالمقلط وشغلي قناة سبيس تون وانسيييييييييييييييييييييييييييييييييييييييييييييي يييييييهم.
مواقع النشر (المفضلة)