بسم الله الرحمن الرحيم

قصيدة سعيد بن مانع سبعين قطعه , اشعار سعيد بن مانع , شعر سبعين قطعه , ابيات من كلمات سعيد بن مانع القحطاني


ياللي نويت الغدر .. ياجعلـك النـار
مقرود واللي شجعـك بعـد مقـرود
تخسا ويخسـا كـل عايـب وغـدّار
سبعين قطعه رحت مع هبـة النـود
مراح مـن مالـه معـزي ولا ثـار
ولا هوب بمنشـودٍ ولاهـوب مفقـود
هـذا جزاكـم ياقصيريـن الأشبـار
ماقدمكـم ياكـود نــارٍ وبــارود
يامحمد النايف مـن الغـدره امجـار
امجار يارمـز الوفـا منبـع الجـود
ياقاهر الإرهـاب يازبـن الأخطـار
يالصارم الشغمـوم ياشامـخ الطـود
ياقامع أهـل الـذل والبـور والعـار
يامضفي البسمه على وجـه مضهـود
يامسدد الأشوار فـي تـوه الأشـوار
سيفٍ على وجه المواقيـف مجـرود
يا أمير حنا مارخصنـا غـلآ الـدار
ارواحنا وعضامنـا سـدود وحـدود
حنا جنـود للوطـن سـر وإجهـار
ناقف بوجه اعـداه كالشمـخ السـود
الفـود ماهـو فـود درهـم ودينـار
فدوى الوطن بأرواحنا .. الفود والزود