ماكنت متوقع تجي صدمتي فيك
لين شفتك بالجفاء صرت بادي
شلي يفيدك لاسهرت عين مغليك
وانت بجنابك مهتني بالرقادي
ذكر كلامك يومك تقول شاريك
مابيع حبك لو يزيد المزادي
وشفيك بايعني عسى الله يبليك
وجازيتني بالجفاء ويا البعادي
مدام خنت الود ماني براجيك
وعسى حياتك بين هم ونكادي
ولوك تدوس النار ماني بناهيك
بشوف لاشبيت لمنهو تنادي
لاتحسب انك لو تنادي اباجيك
بالعكس تكبر فرحتي في فوادي
دامك تبي فرقاي وخليت هاويك
ابشرك فرقاك ثالث عيادي
نفسي عزيزه وانت نفسك تواطيك
منت بقدي بالجفاء والعنادي
وهذا قراري من حياتي ابنهيك
ياللي طلبت البعد فرقاك عادي
مواقع النشر (المفضلة)