يشدني شوق المحبين ويطير = بدنيا الخيال ونبض قلبي يدلّه
صوب الحبيب اقطع له مشاوير= وأقفى وخلّف بالحشا منه علّه
يمر وقتي بين هاجس وتفكير= واشره على اللي ماوفى عهد خلّه
قلبي تولّع به ولا شاف تقدير= يطمح وعثرات الليالي تذلّه
حبي له اكبر من جميع المعايير=واكبر من احساس المخاليق كلّه
ان غاب نفسي دوم تذكره بالخير= وان جاء عيوني عمرها ماتملّه
هذا الحبيب اللي له اقدامي تسير = امشي ظلام الليل والدمع باهلّه
واكتبله اشواقي على القلب تعبير= وان كان تغيّر انا بالعهد في حلّه

اتمنى ان تروق لاذواقكم
مع اغلى تحية
الصرح المهدوم