وين الوفا يا بنت وعهودنا ويـن
قالت وداع وقلت يا بنت تكفين=لا تتركيني من بعدك فالدار خاوي
وين الوفا يا بنت وعهودنا ويـن=وين اليمين وين ذيك الدعاوي
قالت نبي منك الصبر والصبر زين=بكره تبا تلقى لجرحك مداوي
قلت العفو جاني بدل جرح جرحين=اصبحت من سبة فراقك شقاوي
قالت هواوي قلت يا حظي الشين=قالت يجي بكره بدالي هواوي
قلت آه قبلك كأن ما شافت العين=يا بنت انا ماني لغـيرك فداوي
قالت يزين الحال بكره وبعدين=دامك على فرقاي ما انته بناوي
قلـت العفو ما سدد الدين بالدين=ما عاد للمشتاق غـير الرجاوي
مير اتركيني وارحلي وين تبغين=ما يتبع المشتاق غـير الـبلاوي
ان شاف خله قال يا حضي الزين=وان طاح في حبه يطيح متساوي
اتمنى ان تروق لاذواقكم
مع كل التحايا واصدقها
رد مع اقتباس
مواقع النشر (المفضلة)