&& اماااني &&

[احلى مزاج]

كلما طابت جروحي.. لفاني

واشعل بضحكتي جرحٍ جديد

لانساني.. ولامرّه عطاني

غامضٍ .. ماعرفت اللي يريد

إن فقدته.. لقيته في كياني

ينثر أنفاسه بدمّ الوريد

وإن ذكرته.. نبت حزني أغاني

وإستباحتني أوزان القصيد

مدري شلون جاني.. بس جاني

يسحب النار.. وضلوعي جليد

غيمةً سيّلت روحي أماني

وانثنت كنّها بسمات عيد

في مداها..لقيت أجمل زماني

لابسٍ للفرح ثوبُ سعيد

منه طعم الوجع له شكل ثاني

أستلذّ بطعونه لويزيد

آآه ياكبر خوفي لانساني

وين يلقى مثل قلبي وحيد

كثر مافيه من ملح ٍ أناني

كثر مافيه من لطفٍ عنيد

والله إن الغلا.. لجله دعاني

طاب جرحي.. أبي جرحٍ جديد

[Bint najd]

[align=center](( هلا و لله و غلا ))

الله يعطيك الف الف عافيه على القصيده

وتسلم يمناك .. و صح لسانك

يسلمك ربــــــي

اختك : Bint najd[/align]

[دوسري مزيون]

يعطيك الف عافيه

سلمت يدينك


تحياتي لك

دوسري

[احلى مزاج]

تحياتي لكم جهيران بنت نجد الدوسري على مروركم الرائع والف شكرا من كل قلبي