قصة حياتي
بكتب لكم ياناس قصة حياتي = وابين اللي في الحشـى صار مكنون
عانيت انا لاصار وقت المباتي = من هم وسط القلب ياناس مسجون
شي مضى فالعمر محسوب فاتي= وايام مدري بعدها كيف بتكون
ضاعت حياتي من جميع الجهاتي = صفقـت بالكفين ياناس تكفون
جسمي تعب من كثر روحه وجياتي = واليوم كل اعضاي للقلب يشكون
اطلبك يارب الامل والثباتي = تثبـت اقدامي ترى القـلب مطعون
بالامس مثل الطير يذهب وياتي = يرفع الالحان مايعرف حزون
واليوم مكتوب علي السكاتي = محروم طول العمر والباقي ديون
ياقلب هات الحل كيف السواتي = وين الذي ياقلب يسمعك بالهون
دارت بي الايام دور الرحاتي = عزاه ياقلب بالاسى صار مرهون
مشيـت بالطيب وهذي صفاتي = وردو على طيبتي بالـنار يكوون
ايام حلوة عيت اليوم تاتي = ياليت قلبي ماعرف شي في الكون
فقدت انا فالناس حبي وذاتي = والهم والاحزان فالجسـم يسعون
معاد يبقى غير وقت المماتي = والقلب مع روحي على الحوض يـردون
عجل عليه قبل وقت الفواتي = معاد يبقى لي من الناس يبكون
اخواني اخواتي الاعزاء هذه الابيات نضمتها
لكم من نبع احساسي وتحركات قلبي وهي
تعبر عما فيها
ولكم مني اجمل واصدق التحايا واعذبها
الصرح المهدوم
رد مع اقتباس
مواقع النشر (المفضلة)