\\ لمين تنخطب البنت // وه بث

[♪ MzajeYa ٭]

بسم الله الرحمن الرحيم

سلام عليكوو .... زمان ياحلوين

صراحتن موضوعي مستواحه من العضو .... ابو راس فاضي هستره ...
اجل حاطلنا موضوع كامل ! ويتكلم فيه عن مشكله الرجل المقبل على الزواج و أنه المسكين
وصرح بان المشكله هذي معقده جدا جدا جدا على قولته
والله كاتب معقده بقتبسها ماحصلت الموضوع
وأخرتها وش طلعت
الاخ ماله خلق كلام اهلها واهله اللي بيطلع ...... حسبنا الله !!!!!!
صدددددددددددددق فراغهه

لهدرجه ماعندكم شي وصارت هذي معاناتكم في الارتباط بالجنس الناعم
ياعمري البنيه وش تقول اخ بس

هالموضوع بس ودي اوريكم انكم بنعمه
قلت لازم ارد للبنات واعلمكم ان راس مالنا ضعيفات



..


جاء دورنا تسمعون معاناتنا
تمر البنت بثلاث مراحل قبل الزواج _الشوفه_الملكه_الزواج

الشوفه الشرعيه وهي تنقسم الى اربع اشكال في السعوديه ..

1- ناس ممنوعه اصله من الشوفه فقط وقت الزواج " الفئه المعقده " والمخالفه لسنته صلى الله على وسلم
2- ناس تطلب حضور اهله اول بعدين يجي هو ( الموضه الاخيره )
3- ناس تتفق فيما بينها انه يشوف البنت بدون ماتحس البنت " الحمدلله والشكر "
4- ناس تجي سيدا تخطب بدون اهل وحكي وفاضي ويحدد يوم لشوفه ( الطريقه القديمه شوي)

بس انا بتكلم عن الثانيه بما انها الأغلب عندنا


- تدق الام بجي اشوف بنتكم _ ( :19ar: ) _
طبعا البنت تجلس ساعات تفكر وش بلبس وش اسوي بشعري اذا حطيت مكياج اخاف تعلق امه لالا شي خفيف طيب images11
يوه وتجلس تحفظ اسئله واجوبه عشان اذا سئلتها عاد الحريم ياوك

- الصاعقه عاااااااااااد اذا جاات المدام :rolleyes:
تصير جايبه اربع من بناتها واختها اللي ذاكره لهم البنيه وجارتهم وكل وحده تجلس تبحلق في الضعيفه
والفايزه اللي تطلع عيوب اكثر

- وطبعا لين يتصلون مره ثانيه البنت يجيها انفصام im1 " ماعاد دقو وينهم ماقالو شيء طيب ماعلقو وش قالو اكيد ماعجبتهم "

- الحين دور ابو الشباب بيجي يشوف البنت ..
ولكن الموال بيتكرر < يمه وين بقعد وش بيسئلني اطلع بسرعه ولا عيب طيب اذا رديت اخاف يقول شهالحقيره ماتستحي الخ >

من اهم الاشياء البزران لازم يطلعون برى البيت والمراهقين اللي في البيت مايدرون عن شيء ولا طاحو فيها تعليق وهاتك فضايح كل الدنيا بتدري :8ar: فلازم 60 خطه كيف بتسلل لتحت وايش بتقولهم ملاحظه العصير ترى حركته قديمه لحد يدخل فيه قولي لابوك ولااخوك يدخله

- وه خلاص هانت وافقو





انتهت المرحله الاسهل للبنت باقي التجهيزات الحين والاستعداد ......


الملكه ..

- فستان الملكه وطقم الالماس (لأن لازم تحط في بالها ذوق العريس في الدبله اي كلام فيكون عندها حاجه للطوارئ)
والمكياج والشعر سواء تسريحه ولا صبغه وين بيحطون الملكه والتوورته والمشروب مين بينادون تجهيزات المكان الخ

الزواج ..

- مابعد الملكه معروف ايضا ان كل عروس لازم كل شيء جديد هذي بروحها معاناة
خصوصا ان السوق مايساعد فتحتاج 3 - 4 شهور اقل شي تفرفر من سوق لسوق عشان تخلص اغراضها ...

( من فساتين سهره ولانجريات و ارواب و اطقم و الخ تحتاج موضوع كامل لو بكتب عنها

- وبالاخير حفلة الزواج على البنت يعني البنت تحوس تكمل اغراضها من جهه وااهلها يحسون ويدورن وين بيضفون الزواج سواء فندق قاعه ببيتهم بشارع :24ar:
والله حتى العائلي صار متعب

اسئله الموضوع :-
- فانا بعرف الرجال وش يسوي بهالوقت كله اللي تكون في البنت مدهره ؟
- عندكم شوفه شرعيه ولالا وكيف طريقتكم ؟
- كونك اخت العريس وجايه تشوفين اللي بتخطبونها لاخوك ايش ممكن تسئلينها؟؟
وانت وقت الشوفه ايش راح تسئل الحلوه؟؟
- ماهي الطريقه المفضله لكم في الشوفه وهل سالفه الاهل يجون قبل زينه ولاغبيه؟
- مين بنظرك يتكلف اكثر ويتعب من وقت الخطبه / الى ليله الدخله؟ وليش؟
- شكرا لكم




مزاجية :39ar:
قوبلاتي واشواقي

[خزامى]

ماكملتي المعاناه اللي بعد الزواج كمان
بدءاً بأول ضِيفه للعرسان بعد الزواج ..
اشلون تدخل ع الحريم لوحدها وكيف تسلم وأمها مو معها ؟
وش يفكها من عيون اللي بالمجلس كلللهم وملاحظاتهم وتدقيقهم ..
ولا إذا نادوها خوالها وعمانها يسلمون عليها بعد الزواج
يوووووووووه يمين بالله هم خصوصاً إذا كانوا راعين مزح اش يفكك من لسانهم
وبعد فتره المعاناه الأكبر وهي الاهتمام بالزوج والبيت وبنفسك
وبعد فتره بذريتك الصالحه
ثم معاناه مع المرض ثم الموت
-
نجي للأسئله :
1- للشباب
2- ايه عندنا .. يجي الولد يشوف البنت وإن ارتاحوا لبعض يعلنون الموافقه والخطبه رسمياً .. ومايحتاج الأم تشوف البنت لأنهم شايفين بعض على طول ..
أقصد إنو الأم حتكون طبعاً من الجماعه .. لأنو مانتزوج من برا العائله .
3- ما بسألها لأني بكون عارفه كل شي عنها إلا إن كان يغامر ياخذ من برا !
فبأكتفي إني أشوفها إذا أمكن .. أما اسألها لا وشو له بأنقد عمري صراحه .
4- برضو للشباب .
5- طريقنا المعتاده اللي سبق ذكرها .. ومافيها شي لو جاو الأهل قبل عادي يعني .
6- واللهِ على حسب العادات ياقمر .. لأنو في ناس البنت وأهلها يتكفلوا بكللل شي .
وفي ناس لا الزوج عليه كل شي والعروسه بس تطلب وتأشر .
لكن إن جيتي للهم .ز أنا أشوف إن البنت تهتم أكثر صراحه .

العفو ياقميله :25ar:

[!¦[ssسعــــــودss]¦!]

احسن شي في هالمواضيع انها صحيه تجي بالصيف
عسى الله يوفق الجميع :25ar:

[merci]

كش مير :/
كتبت رد وش طوله ومير يروح :/

الوكاد
خزامى خلي عنك أطلق شيء لا قالوا وحدة بـ تعرس
والله أذكر أختي يا حنا خليناها تعاف العرس إلا شوي من التعليقات im22
واحد من خوالي مسوي لها cd كامل أغاني بـ أسم زوجها
والثاني هو وجدي مقلقينها يومياً يدقون ويعلقون im22:24ar:


نجي لـ الأسئلة

- فانا بعرف الرجال وش يسوي بهالوقت كله اللي تكون في البنت مدهره ؟
على حسب اللي أشوفه من أخوي وخوالي اللي أعرسوا ..,
مايبدأ قلق الرجال إلا إذا تمت الملكة من تدوير بيت لـ تأثيث وتنظيم إلخ من الخنابيق هذي ..,
وصدقيني إنها مساوية لـ شقا وعنا التجهيز خصوصاً لا جاك واحد عله يتشرط وأبي وأبي الله يعين بس أميمته وخواته

- عندكم شوفه شرعيه ولالا وكيف طريقتكم ؟
أظاهر لو ماهيب فيه مازوج أبوي im22
أبوي عنده هـ الأمر مقدس جداً جداً جداً
أخر وحدة من خواتي تزوجت كان زوجها قايل مايحتاج أشوفها وأنا أخطب مدري وشو إلخ من هياط الرجآجيل
قال أبوي كيفك لا تشوفها أهم شي بنتي تشوفك وتشوف مرتاحة أو لا

- كونك اخت العريس وجايه تشوفين اللي بتخطبونها لاخوك ايش ممكن تسئلينها؟؟
عندنا الأخت ماتروح
زوجة أخوي ماشفتها إلا يوم الزواج والله ياحنا أنواع الحماس بعد بـ نشوف وش شكلها im22

- ماهي الطريقه المفضله لكم في الشوفه وهل سالفه الاهل يجون قبل زينه ولاغبيه؟
بـ النسبة لـ أهلي ..,
عادي يجون الأهل بس مو أمر مهم ..,
بعد مايخلصون سؤال عن الولد وأخلاقه وأهله ويخلصون تحليلات المستشفى يكلم أبوي الولد ويحدد معاه موعد لـ الشوفة ..,
وبيني وبينك أنا وحدة أفضل إن الأم مو تجيب كل اهل حارتهم بس الأم وتشوفينها ..,
على الأقل تعرفين أنتِ وش داخلة عليه ..,
بعض الحريم قشر :/
تعافين أبو العرس بسببهم وغالباً تجي أخلاق عيالهم مثلهم
لذلك أعتبر أنا شوفة أمه بـ النسبة لي مهمة

- مين بنظرك يتكلف اكثر ويتعب من وقت الخطبه / الى ليله الدخله؟ وليش؟
مايبي لها الحرمة يآحياة الشقا :/
أصلاً حتى الرجال وقت الشقا والتجهيز تلقينه يسحب من وراه خواته وأمه وأختاروا ومدري أيش .,
وتجهيزاتهم لـ نفسهم الله وأكبر وش هي :/
حتى تنظيف الخشة يجيك بـ يوم الزواج أو قبل بـ ليلة يروح يسوي لك مساج وتنظيف والخربطة ذي بـ دقيقتين :/

[...انا...]

وعليكم السلام والرحمه


وش عندكم على طاري العرس


اسئله الموضوع :-
- فانا بعرف الرجال وش يسوي بهالوقت كله اللي تكون في البنت مدهره ؟

يحط رجل على رجل
يأثث البيت وش يسوي يعني images11



- عندكم شوفه شرعيه ولالا وكيف طريقتكم ؟

اي اكيد لازم ’ والرجل اللي يشوف البنت قبل اهله
طبعا اذا كان من غير المعارف
عاد اذا بغوا يروحون عقب الموافقه بكيفهم
لآن هو اللي بيتزوج موب امه وخواته




- كونك اخت العريس وجايه تشوفين اللي بتخطبونها لاخوك ايش ممكن تسئلينها؟؟

اجل وش رايك باللي رايحين يشوفون مرة خالهم im22
ولا سالتها ولا شي , اوما سالها من اول يوم اشوفها
مدري وش احس فيه



- ماهي الطريقه المفضله لكم في الشوفه وهل سالفه الاهل يجون قبل زينه ولاغبيه؟

عن نفسي احس غبيه
هو يجي يشوف قبل اذا ارتاحوا لبعض يتوكلون على الله



- مين بنظرك يتكلف اكثر ويتعب من وقت الخطبه / الى ليله الدخله؟ وليش؟

هو كلهم يتعبون بس البنت اكثر بما انها تروح للسوق كثير عشان تجهز ..

- شكرا لكم

عفوا :25ar:


و ربي يوفق اللي على وجه عرس :25ar:

~