مـا نيـل المطالـب بـ التمنـي
قلت أحبك وأنتثر في كل فمي طعم توت
قلت مشتاق وتجمع كل عمري حولها
أكتب اسمك تلبس حروفي غتر بيض وبشوت
أرسمك تنسى الحياهـ اللي قبل قد جولها
وإن بغيت أحكي لـ غيرك مانبت للحكي صوت
وكيف أببعد والليالي ماتشيل رجولها
كل بسمه منك عيد ونظرتك للقلب قوت
آهـ ياشمس ٍ تسولف والنجوم أصغوالها
-------------------------------------------
انا هذا الحضور اللي غيابهـ ماعرف يلقاهـ
وانا ذاك الغياب اللي حضورهـ ماعرف وينه
انا ذاك البعيد اللي يموت ولايعيش اقصاهـ
وانا هذا القريب اللي مبعثر بينهـ وبينه
انا " صوت السكون " اللي سمع غنج الصدى واغواهـ
بكى / حتى / بكى / حتى / بكى / من حسرتهـ عينه
انـا من معشر الانس الاوادم اولياء الله
واعيـش بـ عالـم " الجـن تعّـوذ مـن شياطينــه "
-------------------------------------------
اذا لك شف في شوفي تراني
على شوفتك صحيت الأماني
زرعت الشـوق كلهـ بـ انتظارك
و أخذت الانتظار و جيت عاني
تعال و طفّ بـ يدينـك حنينـي
تملكني و أنا أشعل لك حنانـي
تعال و ضمني يـا تـاج قلبـي
دخيلـك لا تخلينـي عشـانـي
انـا شاعـر عيونـك يـا حبيبـي
مع التحريف في بعـض المعانـي
و مـا نيـل المطالـب بـ التمنـي
و لكن شوفتـك كـل الأمانـي "
--------------------------------
آآهـ يـا قلب ٍ سرا فيه الحنين
كيف غربني وأنا وسط العرب
كيف بكاني وخلاني حزين
وكيف ساق الدمع من بين الهدب
يوم ذكرني بـ وضّاح الجبين
واحدٍ لخبط حياتي وإنسحب
لا قطع شكّهـ ولا شاف اليقين
ولا أعتذر ولا قال السبب
والبلا إنهـ راح وأقفى مستهين
باع كل الود في ساعهـ غضب
ليت قلب الغالي .. القاسي .. يلين
وليت يسهّل ما بقالي من صعب .
---------------------------------------
ياصاحب الهم إن الهم منفرج
ابشر بخير فـ إن الفارج الله
اليأس يقطع أحيانًا بـ صاحبه
لاتيأس فـ إن الكافي الله
الله يحدث بعد العسر ميسره
لاتجزع فـ إن الصانع الله
إذا بليت فـ ثق بـ اللهـ وارض به
إن الذي يكشف البلوى هو الله.
---------------------------------
أسف إذا كاني غلطت و جيت عكس أرادتك
و أسف اذا كاني خذلتك دون قصد و بـ اختصار:
صدقني أنك كل ما مريت روحي نادتك
ما كنها تعرف سوى أسمك من كبار و من صغار
أنت الحنان اللي نزل بـ الكون ساعهـ ولادتك
و انا اليتيم اللي بدونك دون ربع و دون دار
و أنت الفريد بـ صحبتك و بـ طيبتك وعبادتك
و بـ كل شيء و غيبتك معنى حقيقي للدمار
أموت فيك و في غلاك و في دلعك و عادتك
و أرجع و أقول أني غلطت و جيت أبهديك أعتذار .
--------------------------------------
ريم الوااااااااادي
مواقع النشر (المفضلة)