السلاام عليكوم والرحمة ..
يووووه أحوس إني مغبرة من زمان ما سدحت موضوع فيذا القسم 
تصدقون يوم ضغطت على موضوع جديد طلع لية غبار من اللاب 
إيوة صح نسيت ..
شنونكوم ؟. شخباركوم ؟.طيبون إن شاء الله :25ar::24ar:
الموهيم ...
هذي وحدة أفطرت في رمضان بعذرها الشرعي وكفشها أخوها الصغير شوفوا إيش قالت لوه
7
7
7
7
في يوم من أيام رمضان المبارك كنت ماخذة إجازة من الصيام, وخلصت صلاة الفجر ..
وذهبوا أفراد العائلة كلٌ إلى مرقده كما أعتقدت
هم راحوا لغرفهم من هنا .. وأنا أنطلقت للمطبخ من هناك
أخذت لي فيمتو وشيبس وطلعت لغرفة التلفزيون مبتهجة 
وبينما أنا في خضم البلع والقحن والكركرة على مسلسل كوميدي كنت اتابعه وداخلة جووو
الا وينفتح الباب واشوف وجه كذا >>>>>>>>>>> 
ويطلع أخوي "يونس" - طالب في المرحلة المتوسطة يميل الى الإمتلاء يملك عيون عسلية وحواجب كحلية - كان يونس في أشد الدهشة والإنبهار والتعجب حتى ظننت انه قد يموت بسكتتن قلبية 
يونس : ماصمتييييييييييييي 
!!!!!!!
أنا وفي يدي كأس مليء بالثلج وكيس شيبس كبر وجه أخوي يونس : ليه إنت صايم ؟؟
يونس : وجع .. من جدك تسألين هالسؤال ؟
أنا بكل ثقة وبجاحة: والله إنت بعد سألتني نفس السؤال :5ar:
يونس: والله انتي اللي جالسة تبلعين وتشربين موب انا 
آممممممم شفت الولد ماعنده نية يفهم , استوعبت انه يا اما انه كان غايب في درس الفقه منهج سادس ابتدائي ..
يا اما ان مدرسهم طمر الدرس , ولا وش ذا الدلاخة
وما فيه مجال أصير ناسيه وأنا مجهزة العدة, كاس ثلج وسترو ومنقيه الشيبس اللي أبيه ..
المهم قلت في نفسي والله لو يموت ما اعلمه انا عن ذا العلوم .. مو لهالدرجة انا وسيعة صدر :8ar:
فما كان مني الا اني فجأة قلت له : اسمع بقولك سر بس بذمتك لا يدرون امي وابوي ولا احد , أوعدني ما تعلم احد وانك تحفظ سري هذا لين أموت .. ان مت علم اهلي , عاد خلاص ما يقدرون يسوون لي شي :5ar:
واللللللللللللللللللللللللللله ما أقول لأحد .. اقسم بأيات الله وبالقران والكعبة وجعلي اموت اني ما اقول لأحد اذا علمتيني < خرجت هذه الكلمات من أخي يونس بحماس مشبع بالسعابيل المتناثرة التي لامست وجهي images11
: أجل شف بصراحة أنا مسيحية 
: لا والله !! قولي قسم بالله
: انا مسيحية ولا أقدر أحلف لأن ديني غيركم << عشت الدور على طول
بس بقولك القصة يمكن تخف روعتك شوي
وتقدر تتفهمني و تحتويني وتحتضني 
(حسيتني بخرب الولد)
القصة وما فيها .. أني انا يوم كنت صغيرة , ترى أهلي ما كانوا مهتمين فيني زيك ,
كانوا بس يخلوني عند التلفزيون ويروحون يتمشون ..
تعرف انا اول طفل لهم وامي وابوي كانوا توهم صغار وطايشين وطفرانين ببعض وانا حسوني دخيلة بينهم
ما ادري ليه جابوني بسرعة اذا هم ما يبغوني
فجأة شفت عبرة خنقت يونس ذو القلب الكبير وهو يتابع بصمت وفضول وغباء im22
طيب ليش أجل تلبسين عبااااااية !! وانتي منتيب زينا < قاطعني أخي يونس بكل دلاخة
رديت بنفس النبرة الكسيرة : حتى الفلبينيات يلبسون عباية .. انا كنت البسها زيهم احسبها يونيفورم للسعوديات
ورجع من جديد بسؤال أذكى قليلا من السابق : طيب ما علموك المدرسة الاسلام ؟!!!
: لا كنت أنام في الحصص وفي الاختبارات أغش
واستطرد في القصة .. فلما كبرت وجيت أنت .. حبوك أمي وابوي من كل قلبهم وخافوا من أني انتبه لهالحب أو احسدك عليه فقام أبوي يبي يلهيني بشكل أكبر .. حط لي نت وقال لي هذا لك اما هذا لنا "مشيرا بأصبعه المشعر إليك " وخذوك معاهم ورحتوا تتمشون
يونس >
المهم صرت أحس فيه سر لازم أعرفه وصرت أدور في هالنت وانتشر هنا وهناك واتبعثر واتبخر واتكور الى ان أخذتني رياح الأقدار الى امرأة تدعى الأم تيريزا
وقلت لها قصتي واحتوتني واعطتني الحنان اللي حرموني منه اهلي اللي يكرهوني ويحبونك انت
بعدها صرت أحبها واسميها ماما .. ومع الوقت علمتني المسيحية وقالت اعتنقيها يا ابنتي
واعتنقتها وأهلي ما يدرون وللحين ما يدرون
يونس بلم وهو في حيرة وده يرد ولا هوب عارف خاصة انه حس نفسه السبب وتعاطف معاي
صمت لبرهة وبرهات وفجأة قال : طيب ما تفكرين تسلمين ؟
لا أخفيكم سرا .. جتني ضحكة كبيرررررررررررة الا أني بلعتها لدرجة صبت دموعي وسويت نفسي أبكي im22
قلت له بصوت مخنوق : بس ما أعرفه .. أنا ما أعرف في هالحياة الا أمي تيريزا
داخ راسي من كثر الخرط عليه وجاني النوم .. قمت وعطيته كاسي بعد ما شربته كله وقلت خذ رجعه للمطبخ أنا تعبت من الصياح بروح أنام
جاء يوم غد .. وفجأة أسمع شي يخربش تحت باب غرفتي .. حامت كبدي حسبته صرور ..
قمت ابشوف ما دريت الا كتيب ديني يندعس تحت الباب
واشوف ..الا عنوانه Islam ???!!
وافتح الباب بسرعة بشوف من اللي حاطه , الا واسمع صوت باب غرفة يونس يتسكر بقوة
هههههههههههههههههههههههههههههههههه
يا اني ضحكت ضحكة بغت تنكسر شبابيك غرفتي
خلاص معد استحمل , هالولد تحفة لازم تنحط في متحف اللوفر , لعنبو ابليسه وش ذا المخ
طيب يوم انك بتدعوني ليه جايب لي كتاب دعوة بالانجليزي , شايفني شغالة , على باله يوم صرت مسيحية معد افهم عربي , ما ادري ذا الولد مخه وين
المهم انا عقب هالضحكة نسيت الكذبة , ولهيت بمشاغل الحياة < مشكلة البزي وومن 
ومر كم يوم , وصدفت إن يونس مر جنب غرفتي وأنا لابسة جلالي وأصلي ,
وأنا أسجد ما دريت الا بصوت رجول تراكض متجهة نحوي , واجلس من السجود الا ويونس يصيح ويحب راسي
أنا خلااااااص بفطس من الضحك , يالله كملت التشهد وسلمت ,
الا وياخذني بالاحضان يونس صاحب القلب الكبير
الحمد للللللللله أسلمتي , الحمدللللللللله أسلمتي
ودموعه تتقاطر على كتفي ( يا كثر ما يوصخني ذا الولد يا بتفال يا بدموع ..الله يصبرني )
بس والله رحمته جاني الصياح صدق , ما أدري هو أني عشت الدور ولا صياحه صيحني 
ويمر أبوي قدام هالمشهد التراجيدي وينهبل
وجععععععع خير انهبلتوا .. وش صاير
ويونس من هول سعادته كب العفش والعشا والقش كله
بنتك أسللللللللللمت أسلللللللمت
طبعا ابوي مات من الضحك ونادا امي وقالها السالفه
وماتت من الضحك واخر شي انجلدت <== (مالهم خاتمه ابهات وامهات اخر زمن ما يكفي إني ضحكتهم ووسعت صدورهم ؟؟؟ وبعدين مو ذنبي ان ولدهم دلخ 
)
بس عادي التعب عادي ما يجي شي عند هالخرطة اللي كبر حمار ومشت على يونس الفتى صاحب القلب الكبير هو وكتيبه الدعوي
ببروزه عندي و اهدده فيه اذا استبثر علي في المستقبل :5ar:
وووووبس :25ar::24ar:
حبيتها وأتمنى تحبونها 
أقرب مخرج قدام البزران :-) << للفتيات فقط !!..
رد: أقرب مخرج قدام البزران :-) << للفتيات فقط !!..
مواقع النشر (المفضلة)