الملح والعيـش
خوفـي مـن الله اذا خنتـك يعاقبـنـي
ولا اناماخفـت لامنـك ولا مـن عتابـك
الملح والعيـش باقـي فينـي يربطنـي
ولافـلاوالله مـااتـردد عـلـى بـابـك
خــلاص لاعاتـبـك ولاتعاتـبـنـي
مابـي كلامـك ولامدحـك ولا عقابـك
وشفيك تظحك عسـى منتـب مكذبنـي
تحسبنـي امـزح غلـطـان بحسـابـك
لوكنت كلـك طـرب ماعـاد تطربنـي
ولوكنت بيت الشعر هديـت انـا طنابـك
هـذاك اول اجـي يمـك وتزعلـنـي
وارضيك لو الزعل كلـه مـن اسبابـك
لالاتـحـاول اساليـبـك تنـرفـزنـي
وحيات عينك خلاص انا احرقـت كتابـك
مانيب ثيابـك متـى مابغيـت تلبسنـي
ياهـوه وشفيـك شفنـي مانـي جلبابـك
رغم المحبه عوايد الاصل فيني تمنعنـي
والله لغـرب مدامـك شـرق اركـابـك
وان كنت جمعتنـي خـلاص بعثرنـي
وان شفتني اعتبرنـي اغـرب اغرابـك
تقـول عطنـي فـؤادك وماتلوعـنـي
ابشر تفضـل حبيبـي امسـك اعصابـك
ما ابيـك ماابيـك لاماابيـك تسمعنـي
لاتذل نفسـك وانـت اجمـل اصحابـك
حطني بعينك دمـوع فـراق وجمعنـي
بـس اتـرك الدمـع لاتقربـه اهـدابـك
وان شفتنـي ودي ارجـع لاترجعـنـي
خلني اغـادر عيونـك وانـزل لترابـك
ان طحت من قلبك خلني اطيح وش يعني
لاني من اهلـك ولانـي اقـرب احبابـك
كـذاب لاتقـول احـبـك وتولعـنـي
لوتحبنـي صـدق ماتظـحـك انيـابـك
الحيـن خلـنـي اروح ولاتودعـنـي
من اجلك نزلت سفوح وعفت اناهضابـك
ايـه ايـه مغـرور ارجـوك ودعنـي
قلـي فمـان الشقـى وقـول يهنـابـك
تسبنـي اليـوم بـس كنـك تدلعـنـي
ماهمتنـي صــرت والله مادرينـابـك
ادري ادري قهـرتـك ودك تقطعـنـي
ومـن القهـر شـف ودك تقطـع ثيابـك
الله شفـت كيـف بعـد الحـب تلعنـي
وانابـدوري اليـوم لعنـت مـن جابـك
لكن تأكـد مااخونـك وانـت تخدعنـي
الملـح والعيـش يمنعنـي عـن عتابـك
[blink]* - لبيب المالكي [/blink]
رد مع اقتباس
مواقع النشر (المفضلة)