قنبله في سيارة صديقي
في يوم من الأيام كنت أنا وواحد من الشباب .. اذكر أنه كان يوم خميس ..
غالبآ يوم الخميس يكون هو اجتماع الشباب ..
المهم هذا الخميس بالذات ماكان فيه أحد ما أدري وين راحوا العالم ..
وكانت ذيك الفترة قبل ظهور الجوالات .. يعني إذا الواحد مو موجود في بيته مستحيل تلقاه ..
قاعدين ندور وندور أنا وخويي من بعد العشاء ندور بني آدم مالقينا أحد إلا تقريبا عالساعه 10.30 أو 11.00 وبالصدفه لقينا اثنين من الشباب ومعهم واحد أول مره نشوفه ..
الـــمـــهــــم
تمسكنا فيهم وتعلقنا فيهم تعلللللللق ...
حاولنا نعرف منهم وين يبون يسهرون قالوا عندنا مشوار خاص ولا نبي احد يجي معنا
عاد خويي لززززززززززززقه حاول معهم بس فعلا كانوا مايبون أحد معهم
الثلاثة راحوا لمشوارهم .. خويي ركب معي قال لي وش رايك نسوي فيهم مقلب
قلت : قداااااااااام ...... وش هي فكرتك يا خوي ؟؟
قال : أتوقع انهم بيسهرون في أحد المقاهي شرق الرياض .. وخلنا نروح لهم وانا أعلمك وش اسوي فيهم ..
قلت له : اووووووووووووووووكي
رحنا للمقهى .. وفعلا لقينا سيارتهم موجودة ======>> استنتجت بذكائي أنهم موجودين في المقهى
ويطلع خويي ورقه وقلم ويكتب :
الأخ العزيز صاحب السيارة .. يوجد بالسيارة قنبلة وستنفجر الساعة 1.10 ص
كتبنا الرسالة وحطيناها عالقزاز الأمامي .. بحيث أنه أول مايركب يشوفها بوجهه
خويي لحس الورقة من الخلف تلحييييييييس غير طبيعي عشان تلصق بالقزاز
ويـقــدر الله أن الشباب يطلعون من المقهى الساعة 12.45 .. يعني قبل الموعد بـ 25 دقيقة أول ماركب السيارة شاف الرسالة وقراها .. تفاجأ وخاااااف في نفس الوقت ..
فقال للي معه : ياشباب واحد منكم يشغل السيارة
رفضوا يشغلونها .. قالوا له هذه سيارتك وانت أبخص
راح يشيك على الصرة حقت الزيت مسوي ذكي .. المهم لقاها سليمه ومافيها شي
الغبي كان يقدر ينتظر الى 1.10 وتنتهي السالفه
بس أنه شغلها وهو خاااايف واشتغلت معه .. ويركبون الشباب اللي معه ويددددددعس دعسه للبيت .. ماشي 140 في شوارع مايمشي الواحد فيها 60 من الخوووووووووووف ويبي يوصل للبيت قبل الموعد ..
حط الشباب كل واحد في بيته . . ووصل لبيته تقريبا الساعة 1.05 ص
في اللحظه هذه أنا كنت موجود عند بيتهم بحكم أننا بحاره وحده
الساعة 1.09 .. باقي دقيقه على موعد الإنفجـار
مريت من جنبه وشفت المشهـد المضحـك والعجيب :
حـاط أصابعه في أذانه ويقول لي ترى بيصير شي غير طبيعي الحين
قلت : وش بيصير
قال : انفجاااااااااااااااار
أنا : طبعا بعد الضحك الغير طبيعي .. علمته السالفة بس من بعيد .. لأنه دب وأدري بيضيع حقي معه
القصه هــاذي صارلها اكثر من 10 سنوات
مواقع النشر (المفضلة)