اهداها ذاك القب..؟
قالها
قال إنتي طالق
في لحظة غضب
وبشخطة قلم
أهداني ذاك اللقب
اللي كله ألم
وصرت مطلقة
حكاية في أفواه البشر
وقصص كل ماتنتهي تنعاد
وانقلبت الآية
صار الضحية وأنا الجلاد
قالها
قال إنتي طالق
ماخانته عشـــــرة عمر
وأطفال في عمر الزهر
ضميتهم
قبل الرحيل
وتركتهم في جفن الوجع
وعيونهم غرقى دمع
وحبستها دموعي أنا
يارب رحمان السماء
إنك تعين المبتلي
مال البخت
ضاع الضنا
ورديت.. تخنقني عبرتي
رديت حق بيتك أبوي
أدري أوجعتك رجعتي
حنا البنات حمل ثقيل.. و هـَم
وشلون لاقيل مطلقة
وزاد الغم غم
والأهل زهدوا في بنتهم
هذا اللقب مزعج كثير
تعذيب نفسي ماحصل
وهالناس أبد مايرحمون
اللي سأل وش عيبها ؟
واللي ضحك ..واللي شمت
واللي لقاه صيد سهل
واللي يقول وش ضرها
كان صبرت لعيالها
وتحملت
تجملت
وماأحد درى عن حالها
وأن الصبر من صبرها
عاف الصبر
مواقع النشر (المفضلة)