سعدون بن عريعر كان في المقناص ويومه ارتحاو بالليل وهو يسامر اخوياه ويسئلهم من اكرم مني من العرب
سكتو الجماعه وسئلهم مره ثانيه وقالهم سؤال وينتظر الجواب
قال واحد فيهم جباره الحماد سكت سعدون عقبه سئل وين محله وكان جباره محله قريب منهم
قال الصبح نجيه كلنا
وكان معه ناس كثيره فلما قربو عند محل جباره قام واحد من اخويا سعدون واسرع وسبق ربعه ووصل عند جباره قبلهم
وقال لجباره ابن عريعر جايك ويبي يحرجك حتى يثبت انه اكرم منك وتراه معاه حاشيته كلهم فوق المية رجال
قام جباره ويدور على شي يضيفهم في بيته ولا لقا وكانت سنة قحط عليهم وارسل لنسيبه ولا عطاه
قام جباره وقال لزوجته انا بطلع ادور شي اضيف به هاللي جايينا وفعلا طلع وقعد هايم بالبر مايدري وش يسوي
قامت حرمته ويصفونها بالفطنه والذكاء واستقبلتهم وضيفتهم وقالت جباره رايح قريب وراجع تقهوو لين يجي
وقامت حطت قدور كثيره على النار كنه مفاطيح يطبخونها وراحت حرمته لعند اخوانها وابوها وعلمتهم باللي جرى جباره
وكان نسيابه يحبون جباره ويكنون له الاحترام وافزعو له وجابو من الابل والغنم والقرص (( الخبز وكانو من شيم الكرامه وضع قرص الخبز على اللحم حتى كأنهم تجملو في الذبيحه وليس كحالنا اليوم يوضع مع الرز )) اللي يكفيهم ويزيد
فلما ضاقت الدنيا على جباره رجع جنب بيته يرقبها من بعيد استغرب من اللذي رآه من القدور والغنم والابل المذبوحه والخير ودلال القهوه (( قيل ان حتى القهوه قد نفدت منه )) فوجد زوجته فااقترب منها وسئلها واعلمته باللذي جرى وقالت له رح ضيوفك ينتظرونك وجلس معهم ...
ولما رحلو انشد هذه الابيات
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاجيت ياعمـران منـي جماعـه =وحسـك مابيـن الجمـاعـه دار
اختص ابوبكر الشجـاع محمـد=من لا شنا بيـوم ٍ جنابـه جـار
نسيبي وخال ابني ومنهو الياورمر=على اي غرض ٍ مني جنابه جهار
ثم أنشد لي عن شبيب ٍ مع أحمـد =لاودلا للقلـب الشقـي أثـمـار
هم الخير وهم الشر والفقر والغنا =بربح ٍ ومنهم من يصيـر خسـار
بالاولاد منهو يجلي الهـم شوفـه =وبالاولاد منهـو مطلـق ٍ ثبـار
وبالاولاد من يرفع لقـدر والـده =وبالاولاد من يوري ابوه حقـار[/poem]
مواقع النشر (المفضلة)