العتيبي يخطب رغد بنت صدام ومجاراة فهيد الهاجري
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
ببدا بذكر الله وصلي وأمسك الاقلام =وبكتب لي بيوت داخل القلب تسعى به
اباجاري ابومشيب على ماقال في صدام=وبين له حقيقة ليثه اللي كسّروا نابه
عميل اليهود اللي بنى عرشه على الاوهام=يحسب انه على كيفه تجي غصب ونهابه
ينادي للعروبه على ذمة الاسلام=ولقى له عقولن تسمع الغرب وكلابه
تشوفه على التلفاز وتصدق الاعلام=وهو من ورى الشاشه علينا يفتل اشنابه
نسيت انه هجد دار الصباح وركز الاعلام=وتعدى طامع فيناا بليا حق وطلابه
ونسيت انه يوم جيشه بالحروب انظام=دعمنا جيشه من المدفع الى الدبابه
وحدينا جيش الروافض عن دياره لاتجي قدام =وعقب مانتفخ علباه علينا كشر انيابه
نسيت انه ذبح شعب الفرات ويتم الايتام=وسلمها على ذمة هل الانجيل واحزابه
ونسيت انه علينا بالأمل يبني الأحلام=ونسيت ان الحروب القايمه اكبر اسبابه
ترى من بنى مجده على الكذب والأوهام=فلا بد مايكشف مع الوقت دولابه
وترى كل من عنز على راع الردى ينظام=يشوف القهر بالعين لو هو من اقرابه
ولا ابغى يغرك يالعتيبي حلمك اللي عليه تنام=ترا الناس تنشر له دعايات كذابه
متى صارت زعامتنا على كبش الفدا صدام=متى صارت عروبتنا بظل البعث واحزابه
وترى الحنظله مره وطلعه يالعتيبي سام=ولو قلت في ماقلت حلوه وجذابه
تبي بنت الزعيم اللي سهر ليله على الاعدام=تجيب الذياب اللي نسبها ياصل اعتابه
عسى الله يحقق لك مطاليبك مع الايام=وتعرف ان الحلوم علومها دووم كذابه
وبنصحك يامن غرته هيلمه وعلام=تدور لك على نبت ربت في نجد وترابه
ترى كل من يحكم ولو صلى ولوهو صام=مثل صقر الجزيره سيد العرب واطنابه
زعامتنا على من حارب الكفر بالاسلام=نبين بعثه الله على الكفارواحزابه
وزعامتنا على من حطم الكفر والاصنام=وجددها على مذهب اهل التوحيد وكتابه
خذاها بحد السيف من جده الى الدمام=وخذاها على سنة نبي الله وصحابه
وانا مثلك يابن مشيب عليه تمر احلام=وابي بنت الشيووخ اللي بني وائل تعزوا به
ابي بنت الشيوخ اللي على وجهه تحط لثام=وابي منها ثلاثه كل ابوهم يحسب احسابه
ابي مثل عبدالعزيز العابد الصوام=ابيه يصير من جده على التوحيد وكتابه
ابيه يتذكر فارس العرب لامن نام =يسولف به على ربعه ويذكر ضرب مشعابه
وابي صقر مثل صقر الجزيره لاجزم عزام=ابي مثله يخدم البيت ويجوّد اطنابه
وابي سلطان مثل سلطان العرب واحسام=يقود الجيوش إلــجبهة القدس وترابه
ابي منها ثلاثة كل ابوهم مع الايام=تحكم العرب والغرب تخضع لها ارقابه
وعسى لله يعز اللي علينا جفنهم مانام=وعسى الله يعز الدين باهل الدين واصحابه
شيوخ توارثها على العز والاسلام=على حبهم نسعى ورى الموت واسبابه
عسى الله يكافيهم شرور الحاسد النمام=وعسى الله يجزاهم جنان الخلد وترابه
وبختمها بذكر الله وصلي والنياس نيام=على اللي بعثه الله على التوحيد وكتابه[/poem]
رد مع اقتباس
المشاركة الأصلية كتبت بواسطة البـرواز
مواقع النشر (المفضلة)