احب النشامـا وللنشامـا علـي احقـوق
اقدر احقـوق الخـال والضيـف والعانـي
لا ارضى خنا الزلة ولا اخطي على مخلوق
ولا اعارض الجاهل علـى زلـة اللسانـي
احب الفياض الخضر لا سيق فيهـا النـوق
بعـد سوقـت الفنجـال بـدلال رسلانـي
احب الفياض وشوفهـا يبـري المعلـوق
لياعطفـت خلفاتـهـا فــوق حيـرانـي
احب الفياض وحبهـا حـط فينـي افتـوق
وعسى لايمي فـي حبهـا يقـاد عميانـي
واحب المراجل والمراجـل لهـا معشـوق
ولا ني باطيع اللي عـن الطيـب ينهانـي
ولا احب انا النمه والاسرار فـي صنـدوق
ولا رحت انا اوشي علـى افـلان وفلانـي
اعدل كلامـي واضبطـه وازن المنطـوق
وترى الهـرج للرجـال ياتيـك برهانـي
تعرف الرجل من هرجته لا حكى في السوق
يدلك عالـى الرجـال منطوقـه ان بانـي
ولا بقت جار لـي ولا احـب درب البـوق
حفضت الحديث اللي على الجـار وصانـي
بنت الردى لا تصير فيها طموعي
ترا حلاهـا مـا يلاقـي مررهـا
لو خدها يشذا بيـاض الشموعـي
لا تغرك الجذله ونثـرت شعرهـا
سحابةٍ لـو خضـرت للرتوعـي
دار وخيمه مـا يضلـل شجرهـا
عينك عليهـا لا تهـل الدموعـي
ما تندم الا عنـد حاصـل ثمرهـا
لا تاخذ الا مـن بنـات الربوعـي
نطاحة الهيجا اليـا ازمـا بحرهـا
اهل المكارم ناطحيـن الجموعـي
اللـي سوالفهـو يسـرك خبرهـا
يجـي ولدهـا بالمكـارم بتوعـي
سيفٍ اليا قـص القضيـه بترهـا
اللي يقول القول من دون تحصيل
يحصد ثمر للهم ولا الكآبه
فيني ولو كثرت القال والقيل
ماهمني يابنت من هو حكابه
ولعل مزنن نشى بالمخاييل
يسقي ديار الزين وابل سحابه
يازين وإن ذكرتني في التعاليل
قول هاني وسط قلبي ولجابه
أقهر الحساد والقلوب المغاليل
وكلن على ماقيل يأخذ حسابه
كلن له الله والليالي مقابيل
وسؤالك اللي قلت عندي جوابه
هو روح شعري وأمنياته وماضيه
جذع الشجر وش كان لولا غصونه
لولاه حتى طاري الشعـر مابيـه
مير أكتبه من شان خاطر عيونـه
أكتب لغيره والقصايد تجـي فيـه
كن القصايد حالفـه مـا تخونـه
خافو من الله لا تجيبـون طاريـه
لياصرت أنا موجـود لا تذكرونـه
لو كل غالـي جابـه الله لمغليـه
ماشفت لك مخلوق تبكي عيونـه
يَقُولُ أُنَاسٌ علّ مَجنْـوُنَ عَامِـرٍ
يُريدُ سُلُوّاً، قُلْـتُ أَنّـى لِمَابِيَـا
إذَا مَا أسْتَطَالَ الدَّهْرُ يَا أُمَّ مَالِـكٍ
فَشَأْنُ المَنَايَا القَاضِيَـاتِ وَشَانِيَـا
إذَا اكتَحَلَتْ عَيْني بَعيْنِكِ لَم تَزَلْ
بخيْرٍ، وَجَلَّتْ غَمْرَةً عَـنْ فُوَادِيَـا
فَأَنتِ الَّتي إنْ شِئْتِ أَشْقَيْتِ عِيشَتي
وَأَنتِ الَّتي إنْ شِئْتِ أَنعَمْتِ بَالِيَـا
وَأَنتِ الَّتي مَا مِنْ صَديقٍ ولا عِداً
يَرَى نضْوَ مَا أَبْقَيْتِ الا رَثَى لِيَـا
أَمَضْرُوبَةٌ لَيْلَى عَلَى أَن أَزُورَهَـا
وَمُتَّخَـذُ ذَنْبـآً لَهَـآ أَنْ تَرَانِيَـا
إذا سِرْتُ في الأَرْضِ الفَضَاءِ رَأَيتُني
أُصَانِعُ رَحْلي أَنْ يَميـلَ حِيَالِيَـا
يَميناً إذَا كَانَتْ يَميناً، وَانْ تَكَـنْ
شِمَالاً يُنَازِعْني الهَويَ عَنْ شِمَالِيَـا
سر إعجابي بشخصه.. ماهو فيـه
سرّه انّه واضـحٍ وضـح القصيـد
سر كايد .. ما اصعب التفكير فيـه
لا تثنّـت فكرتـي.. قامـت تعيـد:
ليه إعجابي وحبي.. كم .. وليـه؟
ليه أحكي في بحر غامـض.. تليـد
بس كلماتـي عصتنـي.. ترتجيـه
تعصي العقل اللي فيني.. هالبليـد!
ما قوى يقضب عصبها.. ولامنيـه
قمت ابرسـل كلمتـي خط..وبريـد
والأنوثة.. صعب يمسكهـا سفيـه
العواطف طاغية بقلـبٍ .. فريـد!
تمسك الإحساس بيدينك؟ يـا بيـه
ما مسكه اللي حكم قمرا.. بحديـد!
لو تسيّـدت بحكـم عقلـك عليـه
قلبي اقوى باللي فيـه ومـا تجيـد
لعبة الإحساس.. أنثى.. يا سميـه
لعبة الإحسـاس يجبرهـا العنيـد!
مواقع النشر (المفضلة)