شبه أنسـان
[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
شبه أنسـان
تجي تبعد على كيفك المثلك مـا حسبـت احسـاب=تجي وتروح ما يفرق أنـا عنـدي غـدا عـادي
هذاك أول أبى قربك خطـاك آنسـاه دون أعتـاب=تقول ابعد واجي يمك احسـب أنـك لـي تنـادي
حسا فه خاننـي قلبـي وجعلتـك سيـد الأحبـاب=احب اللي يحبونـك واعـادي مـن لـك يعـادي
جذبني طبعك الهادي وسحرنـي هرجـك الجـذاب=حسبتك منـي وفينـي لـك بروحـي أنـا فـادي
لانك كنـت لعيونـي نظرهـا وللجفـون أهـداب=أشوفك بالسماء نجمـه جذبنـي نورهـا الهـادي
وأشوفك شمس بعيونـي ولكـن ياحسافـه خـاب=أمل كنت اشعله شمعة فـرح فـي عيـد ميـلادي
ولاكن بانت علومـك عرفتـك يـا شبيـه الـداب=تشيـل السـم بأنيابـك واشيلـك حـب بفـوادي
عرفت أنك شبه إنسان مجرد جسـم وسـط ثيـاب=يوسوس لك عدو الأنس تـدس السـم فـي زادي
معي بسم ألوفا تمشي وتمارس لعبـت الأعصـاب=تظاهر لي وفي مخلـص وكشفتـك اكبـر معـادي
أنا من كثر حبي لك نصحتك ليـن رأسـي شـاب=على درب الصواب أهديك ولاكـن ربنـا الهـادي
وأنا لو كنت اعرف أنـك تبـدل لتفـه الأسبـاب=منـزل قـدري القـدرك بعيـدٍ عنـك يالـغـادي
أنا لي عـزتٍ ترفـض صداقـة واشيـن مغتـاب=ترى فرقى أردي مثلـك احسبـه ثالـث أعيـادي
وأنا ماهـي مـن طباعـي أدارى خاطـر الكـذاب=أقول الهـرج فـي وجهـك ولنـت بقـد لعنـادي
لاصار من الخطى كأسك طفح وأمسيت له شـراب=زرعت الشوك أنت اللي في ثمر غرسـه البـادي
تحمل غلطتـك ورحـل واضنـك فاهـم الأسبـاب=وأنـا رحـال وفراقـك منـاي وغايـة مــرادي
آبى أدور وفـي مثلـي صـدوقٍ للوفـى طـلاب=على وضح النقى يمشي مشاحـي فكـره بعـادي
وأبى افتح صفحتٍ بيضا وأبي أنسى ماضيٍ ما طاب=وأبي اشعل للأمـل شمعـه بـه الآمـال تنقـادي
وأبي اعتبرك مثل حلمٍ حضر وقت المنـام وغـاب=وهم زار الخيـال وراح فعـل ماضـي ولاعـادي
عسى دونك يحول اللي وراك وترقب المـر قـاب=وعساك اكبر خساراةٍ بهـا حـظ الشقـي جـادي
وعساني ما فقد أغلا منك وعساك أنت أخر الغياب=وعسـاك أخـر معانـاةٍ هدفهـا تهـدم أمجـادي
وعسى فيها تعـرف انـه عملـك مـدونٍ بكتـاب=حسابك تأخـذه وافـي مـا هـو ناقـص ولازادي
وعسى ترجع إلى عقلك وعلى الماضي تصك الباب=وعسى تندم علـى طـرقٍ بهـا تمشـي بلاقـادي
محمد عيسى العنزي
[/poem]
alshmmalyy@hotmail.com
رد مع اقتباس
مواقع النشر (المفضلة)