السلام عليكم
حيا الله كلن بسمه السالفه ومافيها قصتن مطوله عليكم شووووووي
بروي لكم سالفتي من 26/11/ 1428 هـ وانا مسافر
السالفه كنت انا طالع انتداب مع العمل لمكه طلعت انا طبعا قبلها بيومين
المهم سافرت للبجاديه << تبعد عن الرياض 400 كيلو وعليها شوي
بتجاهـ الغرب المهم عشان انا اترك سيارتي في البجاديه
وفيه اثنين من اخوياي بيمروني وبنطلع لمكه مشيت انا قبلهم بيوم
يوم جاء اليوم الثاني قلت لخويي محمد وينك قال باقي ماحركت وش تسوي قال بكلمك إذا
مشيت قلت طيب المهم الرجال قلت له انا بقابلك مع ولد عمي على كبري الرويضه قال
خلاص عشان مايلف علي احسن اقابله على الطريق ونطلع مع السريع
المهم الرجال كلمه المغرب منير البقمي خويي الثاني قال وينك قال انا في البيت
قال خلاص مرني في الدخل وبروح معك قال طيب الرجال قبل كان يقول بكون عندك المغرب
والحين المغرب في الرياض ماحرك المهم خلص اشغاله ومر منير في بيتهم ومشو
المهم الرجال يوم وصل الجله كلمني قال حرك واكلم ولد عمي قلت يالله الرجال
قريب مشينا ونركب على سيارة ولد العم اللي هي جيب كبسوله 2005 حبه وربع هع
ونمشي قلت ياولد امش تأخرنا الرجال بيوصل قبلنا قال ماعليك المسافه اللي بروح لها بعدها
عن ديرتنا تقريبا 130 كيلو ونمشي مرهـ 160 ومرهـ 170 وانواع ام الركب تنتفض
وساكت ابي نوصل قبل خويي ورانا باقي مشوار 1000 كيلوا
المهم وصلنا كلنا سواء وركبت مع اخوياي السواق محمد القحطاني واللي جنبه منير البقمي
وانا وراء لحالي مامعي احد مشينا نبي تنعشاء الرجال اللي يسوق ماياكل الدجاج
المهم تعشينا كبسه كل محطه ندور فيها لحم واخيرا لقينا مشينا على
سيارة محد اللي هي غولا 2006 قصدي كورلا :biggrin:
نمشي مرهـ 160 ومرهـ 170 ومرهـ 140 محمد فيه مشكله تروع اللي مايرتاع
اي حركه تسويها يسوي نفسك مثلا تطلع لسانك وتناديه يشوفك على طول
بدون تفاهم يسوي مثلك
منير سوا حركه بغاء يودينا في ستين داهيه :11ar:
شغل لمبت السقف والسيارهـ كانت تمشي 160 المهم نادى محمد اول مالتفت عليه
محمد وهو يسوي نفسه انه يلف يمين ومحمد يسوي نفسه بغينا نروح فيها :rolleyes:
قلت يامنير الله يرجك لاتنكبنا المزح ماله داعي في السيارهـ خلها لين نوقف
مشينا قلنا باقي على تحظيرنا في مكه يوم خلونا نعتمر ثم نروح لجدهـ وبعدها نرجع لمكه
قالوا خلاص مشينا ويوم وصلنا السيل الكبير الفجر استاجرنا غرفه عشان نتضبط
فيها ونعتمر تروشنا ولبسنا الأحرام بعد صلاة الفجر
مشينا وقبل ندخل مكه فيه نقطت تفتيش الجوازات
قالو وين التصريح قلنا حنا من اخوياكم وبعدين ماحجينا بنعتمر ونحظر عند مقر العمل
قالو لا ممنوع يالربع نجيهم منا ويقوللوووون لا ياناس اخوياكم ولا هيب زينه
نجي من 1000 كيلوا جنب بيت الله ولا نعتمر قالوا ممنوووووع حل احرامكم
وتدخلون مكه im5 يوم شفنا انهم مافيهم خير ولا ينفع معهم الكلام الطيب
اتفقنا نحل الأحرام ونروح لجدهـ مانمنا ولا شي تعبنا على غير فايدهـ
حركنا لجدهـ مع طريق الكفار الغير مسلمين ياشينه كله لفات
طبعا انا مابعد جيت جدهـ ولا ادري وين انا رايح مع جنبها
وصلنا جدهـ وانا بالجوال اكلم واحد من اخوياي يعرف جدهـ حته حته :frown:
قال عليكم بشارع حراء ولا فلسطين كله شقق قلت حلو طبعا بالتوصيف على الجوال
استاجرنا في حراء في شقق التوباز غرفه الساعه الحين 10 الصبح من البارح وحنا
نمشي قلنا بنام وشوي نطلع نتمشى
وخلاص بكمل السالفه في اليوم الثاني تعبت من الكتابه
باي
حيران
مواقع النشر (المفضلة)