بسم الله الرحمن الرحيم
السلام عليكم و رحمة الله و بركاته
كيف حالكم و وش مسوين بنات و عيال
المهم
طولت عليكم بغيابي و تعرفون الدنيا و اشغال الدنيا <<تكفى يالبزنس مان
بسم الله هذي قصة حصلت لي انا و الوالده الله يخليها لي قولوا آمين
بسم الله نبدا
يوم من الايام صارت مباراة نهائيه بين فرنسا و ايطاليا و انا حظي نحس كل يوم المهم باليوم نفسه مشينا من القصيم للرياض و اان اقول لامي خليها بكرى يا يمه تقول لا اليوم يعني اليوم << وش اسوي راسه يابس :frown:
عاد مشينا بذاك اليوم و كانت المباراه الساعه 9
و انا ادقدق على ربعي و اسالهم واحد واحد اللي يقولي تسع و الثاني يقولي لا 9.30
المهم مدري وش اسوي ابي اشوف المباراه باللي هي بوه عاد مشينا و الحمدلله و انا بالطريق نسولف انا و الوالده مادري الا الساعه 8.30 و انهبل وتعرفون ما فيه فوق 120 لأني لو بمشي فوق 120 و بتسمع الصوت و بتجي الدعاوي علي im5 :18ar:
عاد قلت امري لله و مشيت الطبلون كله بدون رحمه << يمشي 220 و مع السرعه احاول اسولف بسرعه عشان اصرف موضوع السرعه و هي كل شوي تقول هد ياوليدي وش بك مسرع قلت ما ودتس تشوفين المباراة قالت الا قلت اجل ابهدي قالت لا اجل اسرع <<فله والله
((( مع العلم الوالده تشجع ايطاليا و انا اشجع فرنسا )))
المهم يوم وصلنا الرياض و الا المباراة بدت و وصلنا تقريبا 9.30و لا ادري وش اسوي عاد امي قالت شغل الرادو نبي نسمع الاخبار و اشغل الرادوا والله و تطلع لي ام بي سي
و يطلع المعلق خلفهم و انهبل و انبسط و مع الحماس اللي بي داخلن جو مع المعلق يعني لو اقرش بسياره ما دريت عنهم و الحمد لله وصلنا للرياض اول ما وصلت طبعا كنت ما شغلت الرادوا يوم وصلت شغلته << ياشين الحظ بس وه
عاد ماعرف بيت اخوي و اضيع اانا بسرعه و وصف لي الحمدلله و يجيني اتصال ان فرنسا جابوا هدف و انا على دخلتي بالمخرج و افرررح و انهبل و استانس <شوي و انطل و افحط
عاد و انا مشغلن الرادوا كنت متحمس مع المعلق عاد قال المعلق يهجم زيدان و انا مع الحماس اسرع و كل ما قال هجمه خطيره و ازود السرعه حتى اني مادري من اللي قدامي من الحماس عاد انا و الوالده هواش بوسط السياره تقول ورا ما ايطاليا يجيبون قول و الله مادري الا تقعد تدعي يارب ايطاليا يجيبون قول و انا منقهر :18ar:
و الله الا شوي و يجيني اتصال ايطاليا جابوا الله ياخذهم و انقهر و كل ما قال هجم هنري ولا زيدان احط رجلي على اخر شي طبعا اول ما حط رجلي ما تشوفني الا عند المملكه ولا الفيصليه من الحماس و انا مسرع فوت المخرج و فوت كمن مخرج و الحمدلله خلص الشوط الاول
و انهبل وين بيت اخوي وينه و الحمدلله وصلت بسرعه << مع السرعه بالحوراي و التنطيل
وصلنا و لله الحمد و قلت لاخوي عندك دش قال عندي تعال و اشوف الدش ولا ما بوه قناة الشعوديه الثالثه اثر القناة على الارضي و احووس و ادور لي مقهى قبل ما اطلع سالت اخوي وين مقهى قالي حول البيت و كذا وكذا وكذا و شوي الا قالت لي الوالده تعال وقف بروح معك << تحسبه مقهى عجيزات
المهم لزمت علي و انا اقول وش تبين بالمقهى كلهم رجال ما بوه حريم
المهم رحت للمقهى و مادري الا على بداية الشوط الثاني و ادخل المقهى و على العجله الهندي ينادي و انا اقوله سقها بس << يبي ادفع له فلوس
عاد رحت و خليته مادري الا جاي و مغطي الشاشه علي قلت له يا فلفل يا حبحر وخر عني لا اعطيك مخمس تلزق باللي جمبك و يناظرون العالم علي و انا حمر وجهي ابي اشوف المباره و الي بجمبي مستنكر من حركاتي و كلامي عاد انا صرفته قلت له وش تشجع و انا داري انه حاطن علم ايطاليا على راسه << والله من الدلاخه
المهم وحنانشوف المباره من الحماس اللي بي انقز قبل الهجمه و اجلس وايلاهم توقهم ينقزون << مسيكين
المهم و اكبر قهر مادري الا قال المعلق ماتيرازي جاب هدف براسه جعله للكسار
و يفرحون العالم و انا عندي واحد يشجع فرنسا و اناظره و يناظرني شوي الا قمنا عليهم لكن الله ستر و يوم خلصت المباراة << تششوف الاحباط بوجهي و الحزن
المشكله فرنسا مسلمين و المفروض نشجعهم لكن اللي عندنا دلوخ ما عندهم ما عند جدتي حصيصه images8
عاد تشوف الناس اللي يشجعون فرنسا يخمون بعض
شوي الا اسمع صراخ و اثره راعي المقهى قام و طرد الي يشجعون ايطاليا << والله انك منتهي يا شيخ
و خلانا نجلس و قهوانا ببلاش و تشوف الدمعه بعينه و الثانين صياح و غرابيل << احس اني بمستشفى ولاده :35ar:
عاد و الله و اقوم والاي مرتفع ظغطي منهم و احط حرتي بالهالهندي
و اهاوشه و اعصب عليه و شوي الا قام الكفيل حقه و هاوشه معي خخخخخخ
والله و انقهر ودي اصيح عجزت قعدت اصارخ بوسط المقهى و على دخلت ناس جدد و يشوفوني و يقولون الحمدلله على نعمة العقل قلت اقول سقها لا اخلطك انت و اللي معك قال الكفيل لاتشرهون عليه مباراة و خسروا فريقه << الكفيل نذل قلب علي الله يرجه
و خلصت المباراة و كل شوي يدقدق علي اخوي << مايطيق المباراة لكنه يبي يفرح امي
وانا قلت له قل لامي مبروووك فازوا الحمير
قال اشوى تعال للبيت يالله تبي تعلص عليك امي قلت اقول الحين ابجي و اخشركم يالله بالطريق انا
عاد وصلت البيت و الا الوالده فرحانه مبسووطه مره قالت لي من زين فريقكم كله شيبان
قلت مبررووك يا يمه
قالت ياويلي خسروا فريقه << تبين انقهر
انتهى الموضوع
لكن احسن شي انه يوم زيدان يرجف صدر الدبشه ذا براسه يوم سوا الحركه و الله من الفرحه اللي بي من قوي نقزتي صبخت السقف براسي << الطول 186
و خلاص الموضوع
im6 im6 im6 im6 im6 im6 im6 im6 im6 im6 im6
بالمناسبه اللي يشجع ايطاليا لا يرد علي << متعصب فرنساوي
خخخخخخ امزح امزح
مواقع النشر (المفضلة)