[align=center]هذي اول مشاركه لي في منتدى الزين
واتمنا تعجبكم
( اساليب التماسيح في تسحيب السحالي على النت)
الليل بالنهار وهو متكيوع على ذا النت محادثات مع هذي أو هذي أو هذي !
من البداية ، أوضحلكم اسلوب الشباب و حقائق التشات وخفاياه .
وعن حيل الشباب المعروفة وألاعيبهم المكشوفة والتي قد تنطلي على حديثة عهد بالإنترنت شوفو، كل الشباب ستايلهم واحد لكن بينهم اختلافات بسيطة . مثلاُ اللي يجي من الرياض غير عن اللي يجي من الشرقية غير عن اللي يجي من الغربية وكذا . خليني أكلمك عن ستايل شباب الرياض بما إني اعرفهم اكثر :
أول شي هيقول لك :
ممكن أعرف إسمك ؟
انتي إما تديه اسم يعجبك أو تقولي له سوري ما أبي أقول اسمي .
بعد الاسم بكم يوم هيقول لك أنا معجب بشخصيتك وما عمري شفت بنت زيك ، ممكن نتكلم بالتليفون ؟ هيطفشك ويزن عليك وماتوافقي طبعاً بس برضه هيرسل رقمه !
بعد كم يوم يطلب صورتك علشان يرسل لك صورته ، بس في الأخير يمل ويرسل من غير ما ترسلي له شي .
ساعتها راح تشوفي واحد من اثنين !
إما صورة واحد جالس ورا مكتب وماسك قلم ووراه علم السعودية وكنه وزير الماليه، أو واحد مسوي فيها بدوي وجالس جلسة عربية على الأرض ومتلثم ووحدة من ركبه مرفوعة ومتكي ذراعه عليها ، وما ناقصه غير صقر على كتفه ويطلع في برنامج مضارب البادية !
بعدين بيقول لك إنه حب وحدة قبل سنتين وتزوجت . كانت تموت في دباديبه بس جالها عريس كويس وما قدرت تقول لأهلها لا ، وهو ياحبها وعين أمه بتطلع عليها بس كان صغير وما يقدر يفتح بيت فاضطر يضحي بسعادته علشان سعادتها وقال لها يا بنت الحلال لا تربطي نفسك بيا وشوفي مستقبلك ونصيبك والله يوفقك ! بعد الاعترافات راح يبدأ يترك لك مسجات أوف لاين ، أغنية رومانسية والا قصيدة والا عنوان موقع شاعري حلو على الإنترنت ، وكمان كم يوم يعترفلك بحبه . راح يقول لك أنا كنت أدور على بنت مثلك من زمان وأبغي أخطبك بس لازم نعرف بعض أكثر ونتكلم على التليفون (وفي باله إنه راح يطلع معاك بس ما راح يصرح لك بكذا ويكفي التليفونات في البداية عشان ما تخافي)! بعدين شويه شويه حتبدأ مرحلة ثقالة الدم ، واستلمي : ليش مطنشتني ؟ ليش ما تردي على مسجاتي بسرعة ؟ لا تكوني تكلمي واحد ثاني ؟ ما أبغاكي تكلمي واحد غيري. با غير عليكي . إذا جيتي مرة ثانية وما لقيتيني لا تظلي أو لاين ، ومن هاذا الكلام اللي يسم البدن ويخليكي تديله بلوك علي وجوه زي الحلاوة علشان يبطل يسوي نفسه طرزان علكي مرة تانية ، وتروحي تشوفي غيره !!
(أهم حاجة يابنت إنك ما تثقي بأحد ولا تصدقي أي واحد . حطي في بالك إنو مجرد لعب وإنو كل هذول الشباب نصابين ويبغو يضحكو على البنات الهُبُل ...)
تماسيح لا تزعلو images9 [/align]
مواقع النشر (المفضلة)