[frame="2 90"]
يا آخــر غــلا .. ويــن الغـــــــلا الأولـي ويـــن
أحــــس بـــك مــوجـــة فتــور .. وهـــــداوة
ما كنــت هـادي .. كنــــت نــــار وبراكيــــــــن
وكنـــت لـ غلاي أشــــد وأكثــــر .. صفــاوة
كنت تحضنــي لا تضايقـت .. من شــِـــــــــــين
وكنـــت تــّــقبــل .. ضيقتــــي .. بالحفــــاوة
وش غيــّـرك .. يا بعــد عينــيّ .. هالعيـــــــــن
وأنت تعــرفني زيــــن ... ليش الجفـــــــاوة ؟
وأنت تعرفني زين .. وأنـــا أعــرفــك زيــن ؟؟
ليش تــّــغابا .. وأنــت ما بـــك غبـــــــــاوة
أدري بـ خطـاي .. ولا يبي منــــك تبييــــــن
بس الظروف .. من الخــطأ .. أكثر قســـاوة
وشلون تقــسى .. وأنت ساســك .. من الليــن
وأنت الخليـــط .. إمنالنــــدى والنــــــداوة
شفنـي وصلتــك .. جـرح .. بحســاب جرحيــن
داوه .., عســاني ما خــلا منــــك .... داوه
و ارجع مثــل .. ما كنــت .. يا شجــرة التيــن
وأعــط الغصــون اليابســـــات .. الطـراوة
أبيــك .. تلعــــب لعبــتك .. بالشرايــيــــن
لعبــــــــة عبــث .. فيها تصنــّــع عــــداوة
أبي العيـــــارة منـــــك .. وحــدة وثنتيــــــن
وأبي كلمـــات الدلــــــع والشقـــــــــاوة
اللي تــرددهـــن .. على كـــل يــوميــــــــن
يـــوم أتراهــى بــك .. ولا بك رهـــــــــاوة
الــ لــيـش .. وبكيفــي .. ومقدر .. وبعــديـــن
مــرّات .. لكن منـــك فيهــــن حـــــــــلاوة
الـ ( ليــــش ) .. لامني سألتــــك سؤاليـــــــن
ولا كـان عنــدك للإجـــــــابة .. فضـــــاوة
و ( كيفــي ) .. ليـا ردّيت .. ليــشك بــ ليشيــن
تقولــها زعــلان .. تبغــي الرضــــــــاوة
و( مــقدر ) .. ليا من قلــت لك .. يوم الاثنيــــن
يومِِ مسمــّــى .. يجمــع أهــل السمــــــاوة
و( بعــدين ).. لا من ذبــت بين .. الشفاتيـــــن
ولعــانتك .. تدفـــــــع خجلــك .. بـ جــراوة
هذي كلمـــاتك مـــن الحيـــــن .. للحيــــن
وهذا دلعــك .. اللي يـزيدك .. حــــــــــلاوة
ارجع فــديتك .. مثل ما كنــت .. هالحيـــــــن
والله تعــبت .. مـن الجفــا .. والقســـــــاوة
مطلق النومسي[/frame]
مواقع النشر (المفضلة)